–ਲਿਵ ਇਨ ਰਿਲੇਸ਼ਨਸ਼ਿਪ ‘ਚ ਰਹਿਣ ਵਾਲੇ ਜੋੜੇ ਦੀ ਕਹਾਣੀ
ਚੰਡੀਗੜ੍ਹ,17 ਜੂਨ-ਅਜੋਕੇ ਸਮਾਜ ਦਾ ਇੱਕ ਅਜਿਹਾ ਪੱਖ ਜ਼ਿਆਦਾ ਸਾਹਮਣੇ ਆ ਰਿਹਾ ਹੈ ਕਿ ਲੋਕ ਬਿਨਾਂ ਵਿਆਹ ਕਰਵਾਏ ਲਿਵ ਇਨ ਰਿਲੇਸ਼ਨਸ਼ਿਪ ਵਿੱਚ ਰਹਿਣਾ ਪਸੰਦ ਕਰਦੇ ਹਨ ਪ੍ਰੰਤੂ ਅਜਿਹੇ ਰਿਸ਼ਤੇ ਬਹੁਤਾ ਲੰਮਾ ਸਮਾਂ ਨਹੀ ਚੱਲਦੇ । ਅੱਜਕੱਲ੍ਹ ਅਦਾਲਤਾਂ ਵਿੱਚ ਲਿਵ ਇਨ ਰਿਲੇਸ਼ਨਸ਼ਿਪ ‘ਚ ਰਹਿਣ ਵਾਲਿਆਂ ਦੇ ਕੇਸ ਜ਼ਿਆਦਾ ਆਉਣ ਲੱਗੇ ਹਨ । ਅਜਿਹਾ ਹੀ ਇਕ ਮਾਮਲਾ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਦੇ ਸਾਹਮਣੇ ਆਇਆ, ਜਿਸ ਵਿੱਚ 26 ਸਾਲ ਦੀ ਲੜਕੀ ਨੇ ਦਾਅਵਾ ਕੀਤਾ ਕਿ ਉਸਦਾ ਪਿਤਾ ਉਸਦੀ ਮਾਂ ਨਾਲ ਲਿਵ ਇਨ ਰਿਲੇਸ਼ਨਸ਼ਿਪ ‘ਚ ਰਹਿਣ ਵਾਲਾ ਵਿਅਕਤੀ ਹੀ ਹੈ । ਲੜਕੀ ਨੇ ਮੰਗ ਕੀਤੀ ਸੀ ਸਬੰਧਤ ਵਿਅਕਤੀ ਦਾ DNA ਕਰਵਾਇਆ ਜਾਵੇ, ਲੜਕੀ ਦੀ ਮੰਗ ਦੇ ਮੱਦੇਨਜ਼ਰ ਫੈਮਿਲੀ ਕੋਰਟ ਨੇ ਵਿਅਕਤੀ ਨੂੰ DNA ਟੈਸਟ ਕਰਵਾਉਣ ਦਾ ਹੁਕਮ ਦਿੱਤਾ ਤਾਂ ਮਾਂ ਦੇ ਲਿਵ-ਇਨ ਪਾਰਟਨਰ ਨੇ ਇਸ ਨੂੰ ਪੰਜਾਬ ਅਤੇ ਹਰਿਆਣਾ ਹਾਈਕੋਰਟ ਵਿਚ ਚੁਣੌਤੀ ਦੇ ਦਿੱਤੀ। ਹਾਈਕੋਰਟ ਨੇ ਇਸ ਮਾਮਲੇ ‘ਚ ਫ਼ੈਸਲਾ ਸੁਣਾਇਆ ਕਿ ਡੀਐਨਏ ਟੈਸਟ ਕਿਸੇ ਕੇਸ ਦੀ ਜਾਂਚ ਨਹੀਂ ਹੈ ਜਿਸ ਦਾ ਆਦੇਸ਼ ਦਿੱਤਾ ਜਾਵੇ। ਇਹ ਖੂਨ ਦੀ ਜਾਂਚ ਨਾਲ ਸਬੰਧਤ ਟੈਸਟ ਹੈ ਅਤੇ ਇਸ ਲਈ ਅਦਾਲਤ ਕਿਸੇ ਨੂੰ ਮਜਬੂਰ ਨਹੀਂ ਕਰ ਸਕਦੀ। ਇਸ ਲਈ ਇਸ ਸਬੰਧੀ ਫੈਮਿਲੀ ਕੋਰਟ ਦੇ ਫ਼ੈਸਲੇ ਨੂੰ ਸਵੀਕਾਰ ਨਹੀਂ ਕੀਤਾ ਜਾ ਸਕਦਾ। ਇਹ ਵਿਅਕਤੀ ਦੀ ਇੱਛਾ ਹੈ ਕਿ ਉਹ ਇਹ ਟੈਸਟ ਕਰਵਾਉਣਾ ਚਾਹੁੰਦਾ ਹੈ ਜਾਂ ਨਹੀਂ। ਅਜਿਹੇ ‘ਚ ਅਦਾਲਤ ਉਸ ਨੂੰ ਟੈਸਟ ਕਰਵਾਉਣ ਲਈ ਨਹੀਂ ਕਹਿ ਸਕਦੀ।
ਇਹ ਹੈ ਮਾਮਲਾ-
ਫੈਮਿਲੀ ਕੋਰਟ ਦੇ ਸਾਹਮਣੇ ਲੜਕੀ ਨੇ ਕਿਹਾ ਸੀ ਕਿ ਮਾਂ. ਦਾ ਲਿਵ ਇਨ ਪਾਰਟਨਰ ਉਸ ਦਾ ਪਿਤਾ ਹੈ। ਦੋਵੇਂ ਕਾਫੀ ਸਮਾਂ ਇਕੱਠੇ ਰਹੇ ਪਰ ਵਿਆਹ ਨਹੀਂ ਹੋਇਆ। ਉਸ ਨੂੰ ਆਪਣੀ ਮਾਂ ਦੇ ਲਿਵ-ਇਨ ਪਾਰਟਨਰ ਤੋਂ ਪਿਤਾ ਦਾ ਪਿਆਰ ਵੀ ਮਿਲਿਆ ਸੀ ਪਰ ਪਿਛਲੇ ਦਿਨੀਂ ਦੋਹਾਂ ਵਿਚਾਲੇ ਝਗੜਾ ਹੋ ਗਿਆ ਅਤੇ ਦੋਹਾਂ ਨੇ ਵੱਖ ਰਹਿਣ ਦਾ ਫ਼ੈਸਲਾ ਕਰ ਲਿਆ। ਇਸ ਸਬੰਧੀ ਮਾਂ ਨੇ ਆਪਣੀ ਰੋਜ਼ੀ-ਰੋਟੀ ਲਈ ਫੈਮਿਲੀ ਅਦਾਲਤ ਵਿਚ ਕੇਸ ਕੀਤਾ ਅਤੇ ਇਹ ਵੀ ਦਾਅਵਾ ਕੀਤਾ ਕਿ ਉਸਦੀ ਲੜਕੀ ਉਹਨਾਂ ਦੋਵਾਂ ਦਾ ਹੀ ਬੱਚਾ ਹੈ।
Menu
