ਚੰਡੀਗੜ੍ਹ, 28 ਜੂਨ, Gee98 news service
-ਦੇਸ਼ ਦੀ ਮਸ਼ਹੂਰ ਟੈਲੀਕਾਮ ਕੰਪਨੀ ਰਿਲਾਇੰਸ ਜੀਓ ਨੇ ਆਪਣੇ ਪ੍ਰੀਪੇਡ ਟੈਰਿਫ ਪਲਾਨ ਦੀਆਂ ਕੀਮਤਾਂ ਵਧਾਉਣ ਦਾ ਐਲਾਨ ਕੀਤਾ ਹੈ। ਕੰਪਨੀ ਨੇ ਪੋਸਟ ਪੇਡ ਦੇ ਕੁਝ ਪਲੈਨ ਦੇ ਰੇਟਾਂ ‘ਚ ਵੀ ਵਾਧਾ ਕੀਤਾ ਹੈ । ਜੀਓ ਨੇ ਆਪਣੀਆਂ ਵੱਖ ਵੱਖ ਸਕੀਮਾਂ ਦੇ ਟੈਰਿਫ ਪਲਾਨ ਵਿੱਚ ਲੱਗਭੱਗ 22 ਫੀਸਦੀ ਤੱਕ ਦਾ ਵਾਧਾ ਕੀਤਾ ਹੈ । ਕੰਪਨੀ ਦੇ ਨਵੇਂ ਟੈਰਿਫ ਪਲਾਨ 3 ਜੁਲਾਈ ਤੋਂ ਸ਼ੁਰੂ ਹੋਣਗੇ। ਕੰਪਨੀ ਦਾ ਬੇਸ ਪਲਾਨ ਪਹਿਲਾਂ 155 ਰੁਪਏ ਦਾ ਸੀ, ਜੋ ਵਧ ਕੇ 189 ਰੁਪਏ ਹੋ ਜਾਵੇਗਾ। ਅਜਿਹੇ ‘ਚ ਟੈਰਿਫ ‘ਚ ਵਾਧਾ 22 ਫੀਸਦੀ ਹੈ। ਰਿਲਾਇੰਸ ਜੀਓ ਨੇ ਆਪਣੇ 19 ਪਲਾਨ ਦੀਆਂ ਕੀਮਤਾਂ ਵਧਾ ਦਿੱਤੀਆਂ ਹਨ, ਜਿਨ੍ਹਾਂ ਵਿੱਚੋਂ 17 ਪ੍ਰੀਪੇਡ ਅਤੇ 2 ਪੋਸਟ ਪਲਾਨ ਹਨ। ਇਹ ਪਹਿਲੀ ਵਾਰ ਹੈ ਜਦੋਂ ਜਿਓ ਨੇ ਏਅਰਟੈੱਲ ਤੋਂ ਪਹਿਲਾਂ ਟੈਰਿਫ ਵਧਾਏ ਹਨ। ਜੀਓ ਦੇ ਗਾਹਕਾਂ ਵਿੱਚ ਵਧੇ ਹੋਏ ਰੇਟਾਂ ਨਾਲ ਇੱਕ ਵਾਰ ਤਾਂ ਹਾਹਾਕਾਰ ਮੱਚ ਗਈ ਹੈ ਕਿਉਂਕਿ ਕੰਪਨੀ ਵੱਲੋਂ ਸਿੱਧਾ ਹੀ 22 ਫੀਸਦੀ ਤੱਕ ਦਾ ਵਾਧਾ ਕੀਤਾ ਗਿਆ ਹੈ। ਨਵੇਂ ਰੇਟਾਂ ਮੁਤਾਬਕ ਜੀਓ ਦਾਮਹੀਨਾਵਾਰ 155 ਵਾਲਾ ਪੈਕੇਜ ਦੋ 2GB ਦਾ ਹੁਣ 189 ਵਿੱਚ ਮਿਲੇਗਾ। ਇਸੇ ਤਰ੍ਹਾਂ 209 ਰੁਪਏ ਵਾਲਾ 249 ਰੁਪਏ ਵਿੱਚ, 239 ਰੁਪਏ ਵਾਲਾ 299 ਰੁਪਏ ਵਿੱਚ, 299 ਪਏ ਵਾਲਾ ਪੈਕੇਜ 349 ਵਿੱਚ, 349 ਵਾਲਾ ਪੈਕਜ 399 ਵਿੱਚ ਅਤੇ 399 ਰੁਪਏ ਵਾਲਾ 28 ਦਿਨਾਂ ਦਾ ਪੈਕੇਜ 449 ਰੁਪਏ ਵਿੱਚ ਮਿਲੇਗਾ। ਇਸੇ ਤਰ੍ਹਾਂ JIO ਕੰਪਨੀ ਨੇ ਆਪਣੇ ਦੋ ਮਹੀਨੇ, ਤਿੰਨ ਮਹੀਨੇ ਅਤੇ ਸਲਾਨਾ ਪੈਕੇਜ ਵਿੱਚ ਵੀ ਵੱਡਾ ਵਾਧਾ ਕੀਤਾ ਹੈ।
Menu
