ਚੰਡੀਗੜ੍ਹ,10 ਸਤੰਬਰ, Gee98 news service
-ਭਾਰਤੀ ਸੜਕ ਤੇ ਰਾਜ ਮਾਗ ਮੰਤਰਾਲੇ ਵੱਲੋਂ ਸੋਮਵਾਰ ਟੋਲ ਟੈਕਸ ਦਰਾ ਸਬੰਧੀ ਇੱਕ ਅਹਿਮ ਨੋਟੀਫਿਕੇਸ਼ਨ ਜਾਰੀ ਕੀਤਾ ਗਿਆ ਹੈ। ਇਸ ਨੋਟੀਫਿਕੇਸ਼ਨ ਤਹਿਤ ਨੈਸ਼ਨਲ ਹਾਈਵੇਅ ‘ਤੇ ਚੱਲਣ ਵਾਲੇ ਵਾਹਨਾਂ ਨੂੰ ਹੁਣ 20 ਕਿਲੋਮੀਟਰ ਦੇ ਦਾਇਰੇ ‘ਚ ਆਵਾਜਾਈ ਲਈ ਕੋਈ ਟੋਲ ਨਹੀਂ ਦੇਣਾ ਪਵੇਗਾ। ਜੇਕਰ ਯਾਤਰਾ ਦੀ ਦੂਰੀ 20 ਕਿਲੋਮੀਟਰ ਤੋਂ ਵੱਧ ਹੈ, ਤਾਂ ਹੀ ਯਾਤਰਾ ਦੌਰਾਨ ਤੈਅ ਕੀਤੀ ਦੂਰੀ ਲਈ ਫੀਸ ਲਈ ਜਾਵੇਗੀ। ਇਸ ਸਬੰਧੀ ਸੜਕ ਅਤੇ ਰਾਜਮਾਰਗ ਮੰਤਰਾਲੇ ਨੇ ਸੋਮਵਾਰ ਨੂੰ ਨੋਟੀਫਿਕੇਸ਼ਨ ਜਾਰੀ ਕੀਤਾ। ਮੰਤਰਾਲੇ ਵੱਲੋਂ ਜਾਰੀ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਨੈਸ਼ਨਲ ਹਾਈਵੇਅ ਫੀਸ (ਦਰਾਂ ਦਾ ਨਿਰਧਾਰਨ ਅਤੇ ਉਗਰਾਹੀ) ਨਿਯਮ, 2008 ਵਿੱਚ ਹਾਲ ਹੀ ਵਿੱਚ ਕੁਝ ਮਹੱਤਵਪੂਰਨ ਸੋਧਾਂ ਕੀਤੀਆਂ ਗਈਆਂ ਹਨ। ਇਨ੍ਹਾਂ ਸੋਧਾਂ ਦਾ ਉਦੇਸ਼ ਟੋਲ ਵਸੂਲੀ ਪ੍ਰਕਿਰਿਆ ਨੂੰ ਹੋਰ ਪਾਰਦਰਸ਼ੀ ਅਤੇ ਪ੍ਰਭਾਵੀ ਬਣਾਉਣਾ ਹੈ। ਮੰਤਰਾਲੇ ਦੁਆਰਾ ਜਾਰੀ ਨੋਟੀਫਿਕੇਸ਼ਨ ਦੇ ਤਹਿਤ, “ਰਾਸ਼ਟਰੀ ਪਰਮਿਟ ਵਾਲੇ ਵਾਹਨ ਤੋਂ ਇਲਾਵਾ ਕਿਸੇ ਵੀ ਮਕੈਨੀਕਲ ਵਾਹਨ ਦਾ ਡਰਾਈਵਰ, ਮਾਲਕ ਜਾਂ ਇੰਚਾਰਜ ਵਿਅਕਤੀ, ਜੋ ਰਾਸ਼ਟਰੀ ਰਾਜਮਾਰਗ, ਸਥਾਈ ਪੁਲ, ਬਾਈਪਾਸ ਜਾਂ ਸੁਰੰਗ ਦੀ ਵਰਤੋਂ ਕਰਦਾ ਹੈ, ਉਦੋਂ ਉਸ ਤੋਂ ਗਲੋਬਲ ਨੈਵੀਗੇਸ਼ਨ ਸੈਟੇਲਾਈਟ ਸਿਸਟਮ ਅਧਾਰਤ ਉਪਭੋਗਤਾ ਫੀਸ ਵਸੂਲੀ ਪ੍ਰਣਾਲੀ ਦੇ ਤਹਿਤ ਇੱਕ ਦਿਨ ਵਿੱਚ ਹਰ ਦਿਸ਼ਾ ਵਿੱਚ ਵੀਹ ਕਿਲੋਮੀਟਰ ਦੀ ਯਾਤਰਾ ਤੱਕ ਜ਼ੀਰੋ-ਯੂਜ਼ਰ ਫੀਸ ਲਈ ਜਾਵੇਗੀ। ਜੇਕਰ ਸਫ਼ਰ ਕੀਤੀ ਦੂਰੀ 20 ਕਿਲੋਮੀਟਰ ਤੋਂ ਵੱਧ ਜਾਂਦੀ ਹੈ ਤਾਂ ਸਫ਼ਰ ਕੀਤੀ ਅਸਲ ਦੂਰੀ ਲਈ ਫੀਸ ਲਈ ਜਾਵੇਗੀ।
ਟੋਲ ਟੈਕਸ ਤੋਂ ਰਾਹਤ…ਨੈਸ਼ਨਲ ਹਾਈਵੇ ‘ਤੇ ਵੀ 20 ਕਿਲੋਮੀਟਰ ਤੱਕ ਸਫ਼ਰ ਦਾ ਨਹੀਂ ਲੱਗੇਗਾ ਟੈਕਸ
