ਚੰਡੀਗੜ੍ਹ,5 ਅਕਤੂਬਰ (ਨਿਰਮਲ ਸਿੰਘ ਪੰਡੋਰੀ)-
-ਪੰਜਾਬ ਦੀਆਂ 4 ਵਿਧਾਨ ਸਭਾ ਸੀਟਾਂ ‘ਤੇ ਹੋਣ ਵਾਲੀਆਂ ਜ਼ਿਮਨੀ ਚੋਣਾਂ ਲਈ ਭਾਜਪਾ ਨੇ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਪਾਰਟੀ ਹਾਈਕਮਾਂਡ ਨੇ ਜ਼ਿਮਨੀ ਚੋਣਾਂ ਲਈ ਇੰਚਾਰਜ ਅਤੇ ਸਹਿ ਇੰਚਾਰਜ ਨਿਯੁਕਤ ਕੀਤੇ ਹਨ। ਬਰਨਾਲਾ ਦੀ ਜ਼ਿਮਨੀ ਚੋਣ ਲਈ ਭਾਜਪਾ ਨੇ ਪਾਰਟੀ ਦੇ ਦੋ ਵੱਡੇ ਆਗੂਆਂ ਨੂੰ ਇੰਚਾਰਜ ਅਤੇ ਸਹਿ ਇੰਚਾਰਜ ਲਗਾਇਆ ਹੈ। ਬਰਨਾਲਾ ਲਈ ਬੀਜੇਪੀ ਨੇ ਸੀਨੀਅਰ ਆਗੂ ਮਨੋਰੰਜਨ ਕਾਲੀਆ ਨੂੰ ਇੰਚਾਰਜ ਅਤੇ ਜਗਮੋਹਨ ਸਿੰਘ ਰਾਜੂ ਨੂੰ ਸਹਿ-ਇੰਚਾਰਜ ਬਣਾਇਆ ਗਿਆ ਹੈ। ਇਸੇ ਤਰ੍ਹਾਂ ਮੰਡਲ ਬਰਨਾਲਾ ਈਸਟ ਲਈ ਜਗਦੀਪ ਸਿੰਘ ਨਕਈ ਨੂੰ ਕੋਆਰਡੀਨੇਟਰ ਅਤੇ ਜਤਿੰਦਰ ਮਿੱਤਲ ਨੂੰ ਕੋ-ਕੋਆਰਡੀਨੇਟਰ, ਮੰਡਲ ਹੰਡਿਆਇਆ ਲਈ ਮੰਗਤ ਰਾਏ ਜਿੰਦਲ ਕੋਆਰਡੀਨੇਟਰ ਅਤੇ ਸ਼੍ਰੀਮਤੀ ਦਮਨ ਥਿੰਦ ਬਾਜਵਾ ਨੂੰ ਕੋ- ਕੋਆਰਡੀਨੇਟਰ, ਧਨੌਲਾ ਲਈ ਕੋਆਰਡੀਨੇਟਰ ਅਰਵਿੰਦ ਖੰਨਾ ਅਤੇ ਜੀਵਨ ਗਰਗ ਨੂੰ ਕੋ-ਕੋਆਰਡੀਨੇਟਰ ਲਗਾਇਆ ਗਿਆ ਹੈ। ਇਸੇ ਤਰ੍ਹਾਂ ਬਰਨਾਲਾ ਵੈਸਟ ਲਈ ਜਗਬੀਰ ਸਿੰਘ ਬਰਾੜ ਨੂੰ ਕੋਆਰਡੀਨੇਟਰ ਅਤੇ ਰਣਦੀਪ ਸਿੰਘ ਦਿਓਲ ਨੂੰ ਕੋ ਕੋਆਰਡੀਨੇਟਰ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ। ਇਹ ਆਗੂ ਜਲਦੀ ਹੀ ਬਰਨਾਲਾ ਵਿਖੇ ਆਉਣਗੇ ਅਤੇ ਬਰਨਾਲਾ ਹਲਕੇ ‘ਚ ਕਮਲ ਦਾ ਫੁੱਲ ਖਿੜਾਉਣ ਲਈ ਸਰਗਰਮੀਆਂ ਸ਼ੁਰੂ ਕਰਨਗੇ। ਬਰਨਾਲਾ ਵਿਧਾਨ ਸਭਾ ਹਲਕੇ ਦੀ ਜ਼ਿਮਨੀ ਚੋਣ ਲਈ ਭਾਜਪਾ ਆਗੂ ਕੇਵਲ ਸਿੰਘ ਢਿੱਲੋਂ ਮੁੱਖ ਦਾਅਵੇਦਾਰ ਹਨ।
Menu
