ਚੰਡੀਗੜ੍ਹ,5 ਅਕਤੂਬਰ (ਨਿਰਮਲ ਸਿੰਘ ਪੰਡੋਰੀ)-
-ਪੰਜਾਬ ‘ਚ ਪੰਚਾਇਤ ਚੋਣਾਂ ਲਈ ਪੰਚਾਂ ਤੇ ਸਰਪੰਚਾਂ ਦੀਆਂ ਨਾਮਜ਼ਦਗੀਆਂ ਦਾ ਅਮਲ ਪੂਰਾ ਹੋ ਚੁੱਕਾ ਹੈ। ਹੁਣ 5 ਤੇ 6 ਤਰੀਕ ਨੂੰ ਨਾਮਜ਼ਦਗੀ ਪੱਤਰਾਂ ਦੀ ਪੜਤਾਲ ਹੋਵੇਗੀ ਅਤੇ 7 ਤਰੀਕ ਨੂੰ ਨਾਮਜ਼ਦਗੀ ਪੱਤਰ ਵਾਪਸ ਲਏ ਜਾ ਸਕਣਗੇ। ਚੋਣ ਮੈਦਾਨ ਵਿੱਚ ਰਹਿਣ ਵਾਲੇ ਉਮੀਦਵਾਰਾਂ ਨੂੰ 7 ਤਾਰੀਕ ਨੂੰ ਹੀ ਚੋਣ ਨਿਸ਼ਾਨ ਅਲਾਟ ਕਰ ਦਿੱਤੇ ਜਾਣਗੇ। 8 ਅਕਤੂਬਰ ਤੋਂ ਪੰਜਾਬ ਦੇ ਪਿੰਡਾਂ ਦੀਆਂ ਕੰਧਾਂ ‘ਤੇ ਕਬੂਤਰ, ਟਰੈਕਟਰ, ਮੋਰ, ਸਿਲੰਡਰ, ਰੋਡ ਰੋਲਰ, ਟੈਲੀਫੋਨ ਸੈਟ, ਬਾਲਟੀ, ਪੌੜੀ, ਆਦਿ ਚੋਣ ਨਿਸ਼ਾਨਾਂ ਵਾਲੇ ਇਸ਼ਤਿਹਾਰਾਂ ਨਾਲ ਭਰ ਜਾਣਗੀਆਂ। ਜੇਕਰ ਬਰਨਾਲਾ ਜਿਲੇ ਦੀ ਗੱਲ ਕਰੀਏ ਤਾਂ 175 ਪੰਚਾਇਤਾਂ ਲਈ 774 ਸਰਪੰਚ ਅਤੇ 2297 ਪੰਚੀ ਦੇ ਉਮੀਦਵਾਰਾਂ ਨੇ ਨਾਮਜਦਗੀ ਪੱਤਰ ਦਾਖਲ ਕੀਤੇ ਹਨ। ਬਰਨਾਲਾ ਬਲਾਕ ਦੀਆਂ 70 ਪੰਚਾਇਤਾਂ ਲਈ 326 ਸਰਪੰਚ ਤੇ 978 ਪੰਚੀ ਦੀ ਉਮੀਦਵਾਰਾਂ ਨੇ ਨਾਮਜ਼ਦਗੀ ਪੱਤਰ ਦਾਖਲ ਕੀਤੇ ਹਨ। ਇਸੇ ਤਰ੍ਹਾਂ ਮਹਿਰਕਲਾਂ ਬਲਾਕ ਦੀਆਂ 38 ਪੰਚਾਇਤਾਂ ਲਈ 189 ਸਰਪੰਚ ਅਤੇ 612 ਪੰਚ ਦੇ ਉਮੀਦਵਾਰ ਅਤੇ ਸ਼ਹਿਣਾ ਬਲਾਕ ਦੀਆਂ 67 ਪੰਚਾਇਤਾਂ ਲਈ 259 ਸਰਪੰਚੀ ਦੇ ਉਮੀਦਵਾਰ ਅਤੇ 707 ਪੰਚੀ ਦੀ ਉਮੀਦਵਾਰਾਂ ਨੇ ਨਾਮਜ਼ਦਗੀ ਪੱਤਰ ਦਾਖ਼ਲ ਕੀਤੇ ਹਨ।
… ਹੁਣ ਪੰਜਾਬ ਦੇ ਪਿੰਡਾਂ ‘ਚ ਉੱਡਣਗੇ ਮੋਰ ਕਬੂਤਰ ਤੋਤੇ….!
