ਬਰਨਾਲਾ, 15 ਫਰਵਰੀ ( ਨਿਰਮਲ ਸਿੰਘ ਪੰਡੋਰੀ)-
ਸ਼ਹਿਰ ਵਿੱਚ ਕਈ ਸਾਲਾਂ ਬਾਅਦ ਲੋਕਾਂ ਨੂੰ ਸਰਕਸ ਦੇ ਹੈਰਤਅੰਗੇਜ ਕਾਰਨਾਮੇ ਦੇਖਣ ਨੂੰ ਮਿਲਣਗੇ। ਸਥਾਨਕ ਦੁਸਹਿਰਾ ਗਰਾਊਂਡ ਨੇੜੇ ਫੁਹਾਰਾ ਚੌਂਕ 25 ਏਕੜ ਵਿਖੇ ਲੱਗੀ ਰਾਇਲ ਸਰਕਸ ਦੇ 15 ਫਰਵਰੀ ਤੋਂ ਰੋਜਾਨਾ ਤਿੰਨ ਸ਼ੋਅਜ਼ ਚਲਾਏ ਜਾ ਰਹੇ ਹਨ। ਕਰੀਬ ਦੋ ਘੰਟੇ ਦੇ ਸ਼ੋਅ ਵਿੱਚ 40 ਦੇ ਕਰੀਬ ਕਲਾਕਾਰਾਂ ਵੱਲੋਂ ਬਹੁਤ ਹੀ ਹੈਰਤਅੰਗੇਜ ਕਾਰਨਾਮੇ ਦਿਖਾਏ ਜਾ ਰਹੇ ਹਨ। ਇਸ ਬਾਰੇ ਜਾਣਕਾਰੀ ਦਿੰਦਿਆਂ “ਰਾਇਲ ਸਰਕਸ” ਦੇ ਪ੍ਰਬੰਧਕ ‘ਸੰਤੋਸ਼ ਨਾਇਰ’ ਨੇ ਦੱਸਿਆ ਕਿ ਕੋਈ ਸਮਾਂ ਹੁੰਦਾ ਸੀ ਜਦੋਂ ਸਿਨੇਮਾ, ਸਰਕਸ ਅਤੇ ਥੀਏਟਰ ਹੀ ਲੋਕਾਂ ਦੇ ਮਨੋਰੰਜਨ ਦਾ ਵੱਡੇ ਸਾਧਨ ਹੁੰਦੇ ਸਨ। ਜਦੋਂ ਕਿਸੇ ਸ਼ਹਿਰ ਵਿੱਚ ਸਰਕਸ ਲਗਦੀ ਤਾਂ ਮਹੀਨਿਆਂਬੱਧੀ ਲੋਕ ਦੂਰੋਂ ਦੂਰੋਂ ਸਰਕਸ ਦੇਖਣ ਲਈ ਹੁੰਮਹਮਾਂ ਕੇ ਆਉਂਦੇ ਸਨ, ਪਰ ਸਮਾਂ ਬਦਲਿਆ ਕਿ ਨਵੀਆਂ ਨਵੀਆਂ ਤਕਨੀਕਾਂ ਆਉਣ ਨਾਲ ਲੋਕਾਂ ਦੇ ਮਨੋਰੰਜਨ ਦੇ ਸਾਧਨ ਬਦਲ ਗਏ। ਅੱਜ ਇੰਟਰਨੈਟ ਦੇ ਯੁੱਗ ਵਿੱਚ ਲੋਕਾਂ ਨੂੰ ਸਾਰਾ ਕੁੱਝ ਮੋਬਾਇਲ ‘ਤੇ ਹੀ ਦੇਖਣ ਨੂੰ ਮਿਲ ਰਿਹਾ ਹੈ ਅਤੇ ਲੋਕ ਬਾਹਰੀ ਅਤੇ ਲਾਇਵ ਮੰਨੋਰੰਜਨ ਨਾਲੋਂ ਟੁੱਟ ਗਏ ਹਨ, ਅਜੇ ਵੀ ਕੁੱਝ ਪੁਰਾਣੀਆਂ ਪ੍ਰੰਪਰਾਵਾਂ ਨੂੰ ਜ਼ਿੰਦਾ ਰੱਖਣ ਦੀ ਕੋਸ਼ਿਸ਼ ਕਰ ਰਹੇ ਹਨ। “ਰਾਇਲ ਸਰਕਸ” ਅਜਿਹਾ ਹੀ ਯਤਨ ਕਰ ਰਹੀ ਹੈ ਅਤੇ ਬਰਨਾਲਾ ਸਹਿਰ ਦੇ ਵਾਸੀਆਂ ਨੂੰ ਲਾਇਵ ਮਨੋਰੰਜਨ ਦੇ ਨਾਲ ਜੋੜਨ ਦਾ ਯਤਨ ਕਰ ਰਹੀ ਹੈ। ਉਹਨਾਂ ਦੱਸਿਆ ਕਿ ਭਾਵੇਂ ਸਰਕਾਰ ਨੇ ਜਾਨਵਰਾਂ ਤੋਂ ਕੰਮ ਕਰਵਾਉਣ ‘ਤੇ ਪਾਬੰਦੀ ਲਗਾ ਦਿੱਤੀ ਹੈ, ਪਰ ਫਿਰ ਵੀ ਸਾਡੇ ਕਲਾਕਾਰਾਂ ਵੱਲੋਂ ਕੀਤੇ ਹੈਰਤ ਅੰਗੇਜ ਕਾਰਨਾਮੇ, ਡਾਇਨਾਸੋਰ ਸੋਅ, ਗੁਰੀਲਾ ਸੋਅ, ਮੌਤ ਦਾ ਖੂਹ, ਜੌਕਰਾਂ ਸਮੇਤ ਕੲਈ ਹੋਰ ਸ਼ੋਅ ਬੱਚਿਆਂ ਨੂੰ ਬਹੁਤ ਪਸੰਦ ਆ ਰਹੇ ਹਨ। ਉਹਨਾਂ ਲੋਕਾਂ ਨੂੰ ਇਸ ਸਰਕਸ ਦੇ ਲਾਈਵ ਸ਼ੋ ਦਾ ਹਿੱਸਾ ਬਣਨ ਦਾ ਸੱਦਾ ਦਿੱਤਾ। ਉਹਨਾਂ ਦੱਸਿਆ ਕਿ ਸ਼ੋਅ ਦੇ ਦੌਰਾਨ ਲੋਕਾਂ ਦੇ ਬੈਠਣ ਦਾ ਪੂਰਾ ਉਚਿਤ ਪ੍ਰਬੰਧ ਹੋਵੇਗਾ ਅਤੇ ਹੋਰ ਧਿਆਨ ਵੀ ਰੱਖਿਆ ਜਾਵੇਗਾ।
