-ਸੁਣੀਆਂ ਸਮੱਸਿਆਵਾਂ ਅਤੇ ਦਿੱਤਾ ਹੱਲ ਕਰਨ ਦਾ ਭਰੋਸਾ
ਬਰਨਾਲਾ, 08 ਅਕਤੂਬਰ (ਨਿਰਮਲ ਸਿੰਘ ਪੰਡੋਰੀ) :
ਵਪਾਰੀਆਂ ਦਾ ਪੰਜਾਬ ’ਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਬਣਾਉਣ ਵਿੱਚ ਵੱਡਾ ਯੋਗਦਾਨ ਹੈ। ਮਾਨ ਸਰਕਾਰ ਸੂਬੇ ’ਚ ਵਪਾਰ ਦੀ ਪ੍ਰਫੁੱਲਤਾ ਲਈ ਹਮੇਸ਼ਾ ਯਤਨਸ਼ੀਲ ਹੈ। ਮੁੱਖ ਮੰਤਰੀ ਭਗਵੰਤ ਮਾਨ ਸੂਬੇ ਦੇ ਬਾਕੀ ਵਰਗਾਂ ਦੇ ਨਾਲ-ਨਾਲ ਵਪਾਰੀਆਂ ਨੂੰ ਦਰਪੇਸ਼ ਸਮੱਸਿਆਵਾਂ ਸੰਬੰਧੀ ਅਕਸਰ ਆਪਣੇ ਸਾਥੀ ਮੰਤਰੀ/ਵਿਧਾਇਕਾਂ ਨਾਲ ਚਰਚਾ ਕਰਦੇ ਹਨ। ਇਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਵਿਧਾਨ ਸਭਾ ਹਲਕਾ ਰਾਜਪੁਰਾ ਤੋਂ ਆਪ ਵਿਧਾਇਕ ਸ੍ਰੀ ਨੀਨਾ ਮਿੱਤਲ ਨੇ ਦੀਪਕ ਢਾਬੇ ’ਤੇ ਧਨੌਲਾ ਰਾਈਸ਼ ਮਿਲਜ਼ ਐਸੋਸੀਏਸ਼ਨ ਦੇ ਆਗੂਆਂ ਤੇ ਵਪਾਰੀਆਂ ਨਾਲ ਮਿਲਣ ਉਪਰੰਤ ਗੱਲਬਾਤ ਕਰਦਿਆਂ ਕੀਤਾ। ਉਨਾਂ ਦੱਸਿਆ ਕਿ ਝੋਨੇ ਦੇ ਸੀਜ਼ਨ ਦੌਰਾਨ ਸ਼ੈਲਰ ਮਾਲਕਾਂ ਨੂੰ ਕੋਈ ਸਸੱਸਿਆ ਨਹੀਂ ਆਉਣ ਦਿੱਤਾ ਜਾਵੇਗੀ। ਉਨ੍ਹਾਂ ਦਾਅਵਾ ਕੀਤਾ ਕਿ ਆਰਓ, ਆਨਲਾਈਨ ਗੇਟ ਪਾਸ ਸਮੇਤ ਇੱਕ ਦੋ ਹੋਰ ਸਮੱਸਿਆਵਾਂ ਦਾ ਸ਼ੈਲਰ ਮਾਲਕ ਜ਼ਿਆਦਾ ਜ਼ਿਕਰ ਕਰਦੇ ਹਨ ਜਿਨਾਂ ਸੰਬੰਧੀ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਸੰਬੰਧਿਤ ਵਿਭਾਗ ਦੇ ਅਧਿਕਾਰੀਆਂ ਨੂੰ ਸਖ਼ਤ ਹੁਕਮ ਜਾਰੀ ਕੀਤੇ ਹਨ । ਉਨ੍ਹਾਂ ਕਿਹਾ ਕਿ ਸ਼ੈਲਰ ਮਾਲਕਾਂ /ਵਪਾਰੀਆਂ /ਕਾਰੋਬਾਰੀਆਂ ਤੋਂ ਰਿਸ਼ਵਤ ਮੰਗਣ ਵਾਲੇ ਅਫ਼ਸਰ ਇਹ ਸਮਝ ਲੈਣ ਕਿ ਸੂਬੇ ’ਚ ਸੱਤਾ ਇਮਾਨਦਾਰ ਪਾਰਟੀ ਦੇ ਹੱਥਾਂ ਵਿੱਚ ਹੈ। ਉਨ੍ਹਾਂ ਕਿਹਾ ਕਿ ਪੰਜਾਬ ਦੀਆਂ ਮੰਡੀਆਂ ’ਚ ਸੂਬੇ ਤੋਂ ਬਾਹਰਲੇ ਅਨਾਜ ਦੀ ਵਿੱਕਰੀ ਨਹੀਂ ਹੋਣ ਦਿੱਤੀ ਜਾਵੇਗੀ ਜਿਸ ਸੰਬੰਧੀ ਮਾਨ ਸਰਕਾਰ ਨੇ ਪੁਖ਼ਤਾ ਕਦਮ ਚੁੱਕੇ ਹਨ। ਸ੍ਰੀ ਨੀਨਾ ਮਿੱਤਲ ਨੇ ਕਿਹਾ ਕਿ ਵਪਾਰੀ/ਕਾਰੋਬਾਰੀ ਸੂਬੇ ਦੀ ਆਰਥਿਕਤਾ ਦੀ ਰੀੜ ਦੀ ਹੱਡੀ ਹਨ ਇਸ ਲਈ ਇਨਾਂ ਦੇ ਹਿੱਤਾਂ ਦੀ ਰਾਖੀ ਅਤੇ ਕਾਰੋਬਾਰ ਦੀ ਸੁਰੱਖਿਆ ਲਈ ਆਮ ਆਦਮੀ ਪਾਰਟੀ ਦੀ ਸਰਕਾਰ ਹਮੇਸ਼ਾ ਵਚਨਬੱਧ ਹੈ।
ਸੂਬੇ ’ਚ ਲਾਅ ਐਂਡ ਆਰਡਰ ਦੀ ਸਥਿਤੀ ਸੰਬੰਧੀ ਉਨ੍ਹਾਂ ਕਿਹਾ ਕਿ ਪਿਛਲੀਆਂ ਸਰਕਾਰਾਂ ਦੀ ਗੈਂਗਸਟਰਾਂ ਨਾਲ ਮਿਲੀ ਭੁਗਤ ਕਰਕੇ ਪੰਜਾਬ ’ਚ ਸਮਾਜ ਵਿਰੋਧੀ ਅਨਸਰਾਂ ਦਾ ਨੈੱਟਵਰਕ ਬਹੁਤ ਵਿਸ਼ਾਲ ਬਣਿਆ ਹੋਇਆ ਹੈ ਪ੍ਰੰਤੂ ਫਿਰ ਵੀ ਸਰਕਾਰ ਅਮਨਕਾਨੂੰਨ ਦੀ ਬਹਾਲੀ ਲਈ ਸੁਚੇਤ ਹੈ।ਉਨ੍ਹਾਂ ਦਾਅਵਾ ਕੀਤਾ ਕਿ ਸਿਰਫ 6 ਮਹੀਨਿਆਂ ’ਚ ਏ-ਸ਼੍ਰੇਣੀ ਦੇ ਗੈਂਗਸਟਰਾਂ ਸਮੇਤ ਹੋਰ ਅਪਰਾਧੀ ਵੀ ਫੜ ਕੇ ਜੇਲਾਂ ’ਚ ਸੁੱਟੇ ਹਨ ਜਿਨ੍ਹਾਂ ਨੇ ਅਕਾਲੀ ਅਤੇ ਕਾਂਗਰਸੀ ਸਰਕਾਰਾਂ ਦੀ ਛਤਰ ਸਾਇਆ ਹੇਠ ਲੁੱਟਾਂ ਖੋਹਾਂ , ਕਤਲੋਗ਼ਾਰਤ ਕਰਕੇ ਆਮ ਲੋਕਾਂ ਦਾ ਜਿਉਣਾ ਮੁਹਾਲ ਕੀਤਾ ਹੋਇਆ ਸੀ । ਸ੍ਰੀਮਤੀ ਨੀਨਾ ਮਿੱਤਲ ਨੇ ਕਿਹਾ ਕਿ ਅਪਰੇਸ਼ਨ ਲੋਟਸ ਨੇ ਜਿੱਥੇ ਭਾਜਪਾ ਦਾ ਕੁਰੱਪਟ ਚਿਹਰਾ ਨੰਗਾ ਕੀਤਾ ਹੈ ਉੱਥੇ ਭਾਜਪਾ ਤੇ ਕਗਾਂਰਸ ਦਾ ਅੰਦਰੂਨੀ ਗੱਠਜੋੜ ਵੀ ਸਾਹਮਣੇ ਆਇਆ ਹੈ ਕਿਉਂਕਿ ਕਾਂਗਰਸ ਨੇ ਭਾਜਪਾ ਵਿਰੋਧੀ ਪਾਰਟੀਆਂ ਦੇ ਵਿਧਾਇਕਾਂ ਦੀ ਖ਼ਰੀਦੋ ਫਰੋਖਤ ਦੇ ਮਾਮਲੇ ’ਚ ਭਾਜਪਾ ਵਿਰੁੱਧ ਚੁੱਪ ਰਹਿ ਕੇ ਆਪਣੀ ਸਿਆਸੀ ਮਿੱਤਰਤਾ ਨਿਭਾਈ ਹੈ। ਨੀਨਾ ਮਿੱਤਲ ਨੇ ਦਾਅਵਾ ਕੀਤਾ ਕਿ ਕਈ ਵਰਿਆਂ ਦੇ ਰਾਜ ਦੌਰਾਨ ਲੋਕ ਵਿਰੋਧੀ ਨੀਤੀਆਂ ਕਰਕੇ ਅਕਾਲੀ-ਭਾਜਪਾ ਤੇ ਕਾਂਗਰਸ ਅਜਿਹੇ ਮੁਕਾਮ ’ਤੇ ਪੁੱਜ ਚੁੱਕੀਆਂ ਹਨ ਜਿੱਥੋ ਉੱਠ ਕੇ ਇਹ ਪਾਰਟੀਆਂ ਮੁੜ ਪੰਜਾਬ ਦੀ ਸੱਤਾ ਤੱਕ ਨਹੀਂ ਪੁੱਜ ਸਕਦੀਆਂ। ਇਸ ਮੌਕੇ ਗੁਰਚਰਨ ਸਿੰਘ ਕਲੇਰ ਪ੍ਰਧਾਨ ਆੜਤੀਆ ਐਸੋਸੀਏਸ਼ਨ, ਜੀਵਨ ਕੁਮਾਰ ਸਾਬਕਾ ਚੇਅਰਮੈਨ, ਸੰਭੂ ਕੁਮਾਰ, ਸੁਰਿੰਦਰ ਕੁਮਾਰ ਬੀਟਾ, ਅਮਰਨਾਥ ਮਿੱਤਲ, ਨਰੈਣ ਚੰਦ, ਰਵੀ ਕੁਮਾਰ, ਅਨਿਲ ਮਿੱਤਲ ਜੋਨੀ, ਵਿਸ਼ਾਲ ਗਰਗ, ਪ੍ਰਵੀਨ ਕੁਮਾਰ, ਬਿੱਟੂ, ਕ੍ਰਿਸ਼ਨ ਕੁਮਾਰ, ਸੰਜੀਵ ਕੁਮਾਰ ਸੰਜੂ, ਭਗਵਾਨ ਦਾਸ ਬੁਢਲਾਡੇ ਵਾਲੇ ਅਤੇ ਹੋਰ ਵੀ ਸ਼ੈਲਰ ਮਾਲਕ , ਆੜਤੀਏ ਤੇ ਵਪਾਰੀ ਵੀ ਹਾਜ਼ਰ ਸਨ।
