ਬਰਨਾਲਾ 21 ਦਸੰਬਰ (ਨਿਰਮਲ ਸਿੰਘ ਪੰਡੋਰੀ)-
20 ਦਸੰਬਰ ਦਾ ਦਿਨ ਮਹਿਲ ਕਲਾਂ ਪਿੰਡ ਲਈ ਬਹੁਤ ਹੀ ਦੁੱਖ ਭਰੀ ਖਬਰ ਲੈ ਕੇ ਆਇਆ, ਇਹ ਸਮਾਂ ਮਹਿਲ ਕਲਾਂ ਲਈ ਉਸ ਵੇਲੇ ਮਨਹੂਸ ਸਾਬਤ ਹੋਇਆ ਜਦ ਉੱਘੇ ਸਾਹਿਤਕਾਰ ਸੁਰਜੀਤ ਸਿੰਘ ਪੰਛੀ ਦੇ ਪੋਤੇ ਅਤੇ ਮਾਸਟਰ ਰਵੀਦੀਪ ਸਿੰਘ ਦੇ ਨੌਜਵਾਨ ਸਪੁੱਤਰ ਜਗਦੀਪ ਸਿੰਘ ਨੇ ਕੈਲਗਰੀ (ਕੈਨੇਡਾ) ਵਿਖੇ ਹਮੇਸ਼ਾ ਲਈ ਵਿਛੋੜਾ ਦੇ ਦਿੱਤਾ। ਭਾਰਤੀ ਸਮੇਂ ਅਨੁਸਾਰ 20 ਦਸੰਬਰ ਸਵੇਰੇ ਜਗਦੀਪ ਸਿੰਘ ਦੀ ਹਾਰਟ ਅਟੈਕ ਨਾਲ ਮੌਤ ਹੋ ਗਈ। 37 ਵਰ੍ਹਿਆਂ ਦਾ ਜਗਦੀਪ ਕੈਲਗਰੀ ਵਿਖੇ ਆਪਣੇ ਛੋਟੇ ਭਰਾ, ਪਤਨੀ ਅਤੇ ਪੁੱਤਰ ਨਾਲ ਰਹਿ ਰਿਹਾ ਸੀ। ਪਰਿਵਾਰਕ ਮੈਂਬਰਾਂ ਅਨੁਸਾਰ ਜਗਦੀਪ ਨੇ 25 ਦਸੰਬਰ ਨੂੰ ਕੈਨੇਡਾ ਤੋਂ ਮਹਿਲ ਕਲਾਂ ਆਉਣਾ ਸੀ ਪ੍ਰੰਤੂ ਮਹਿਲ ਕਲਾਂ ਦੀ ਧਰਤੀ ‘ਤੇ ਉਸਦੇ ਕਦਮਾਂ ਤੋਂ ਪਹਿਲਾਂ ਉਸ ਦੀ ਮੌਤ ਦੀ ਖਬਰ ਨੇ ਸਮੁੱਚੇ ਇਲਾਕੇ ਨੂੰ ਸੋਗਮਈ ਕਰ ਦਿੱਤਾ। ਜਗਦੀਪ ਸਿੰਘ ਦਾ ਅੰਤਿਮ ਸਸਕਾਰ ਕੈਲਗਰੀ ਵਿਖੇ ਹੀ ਕੀਤਾ ਜਾਵੇਗਾ।
