ਬਰਨਾਲਾ 6 ਅਪ੍ਰੈਲ ( ਸੋਨੀ ਧਨੌਲਾ )-
ਭਾਰਤੀ ਕਿਸਾਨ ਯੂਨੀਅਨ ਕਾਦੀਆਂ ਇਕਾਈ ਪਿੰਡ ਸੇਖਾ ਵਲੋ ਪਿੰਡ ਦੇ ਕਿਸਾਨਾਂ ਨੂੰ ਆ ਰਹੀਆਂ ਸਮੱਸਿਆਵਾਂ ਦੇ ਸਬੰਧ ’ਚ ਆਗੂ ਰਣਧੀਰ ਸਿੰਘ ਸੇਖਾ ਤੇ ਮਹਿੰਦਰ ਸਿੰਘ ਦੀ ਅਗਵਾਈ ਹੇਠ ਡਿਪਟੀ ਕਮਿਸ਼ਨਰ ਪੂਨਮਦੀਪ ਕੌਰ ਨੂੰ ਮੰਗ ਪੱਤਰ ਸੌਂਪਿਆ ਗਿਆ। ਇਸ ਮੌਕੇ ਜਾਣਕਾਰੀ ਦਿੰਦਿਆਂ ਆਗੂ ਰਣਧੀਰ ਸਿੰਘ ਸੇਖਾ, ਜੋਗਿੰਦਰ ਸਿੰਘ ਮਾਨ ਤੇ ਮਹਿੰਦਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਵਲੋਂ ਪਿੰਡ ਸੇਖਾ ਦੇ ਕਿਸਾਨਾਂ ਨੂੰ ਆ ਰਹੀਆਂ ਸਮੱਸਿਆਵਾਂ ਦੇ ਹੱਲ ਲਈ ਡਿਪਟੀ ਕਮਿਸ਼ਨਰ ਨੂੰ ਮੰਗ ਪੱਤਰ ਦਿੱਤਾ ਜਾ ਗਿਆ ਹੈ। ਜਿਸ ’ਚ ਮੰਗ ਕੀਤੀ ਗਈ ਹੈ ਕਿ ਇਸ ਵਾਰ ਕਣਕ ਫ਼ਸਲ ਸੇਖਾ ਸੈਲੋ ’ਚ ਸਟੋਰ ਕੀਤੀ ਜਾਵੇਗੀ ਜਿਸ ’ਚ ਕਿਸਾਨਾਂ ਨੂੰ ਬਹੁਤ ਪ੍ਰੇਸ਼ਾਨੀ ਆਵੇਗੀ। ਜਿਸ ਕਰਕੇ ਫ਼ਸਲ ਮੰਡੀਆਂ ’ਚੋਂ ਗੱਟਿਆ ਰਾਹੀਂ ਪਾਸ ਹੋ ਕੇ ਜਾਣੀ ਚਾਹੀਦੀ ਹੈ ਨਾ ਕਿ ਸਿੱਧੀਆ ਟਰਾਲੀਆਂ ਨਾਲ। ਅਨਾਜ ਮੰਡੀ ਸੇਖਾ ’ਚ ਸੈਂਟਰ ਦੀ ਖ੍ਰੀਦ ਏਜੰਸੀ ਨਾਲ ਪੰਜਾਬ ਦੀਆਂ ਖ੍ਰੀਦ ਏਜੰਸੀਆਂ ਨੂੰ ਕਣਕ ਦੀ ਖ੍ਰੀਦ ਕਰਨ ਦਿੱਤੀ ਜਾਵੇ। ਸੇਖ਼ਾ ਰੇਲਵੇ ਸਟੇਸ਼ਨ ’ਤੇ ਜੋ ਪਲੇਟੀ ਬਣਾਈ ਹੈ ਜਿਸ ’ਚ ਟਰੱਕਾਂ ਦੀ ਬਹੁਤ ਆਵਾਜਾਈ ਹੈ, ਜੋ ਕਿ ਸੜਕਾਂ ਤੰਗ ਹਨ ਜਿਸ ਕਾਰਨ ਕੋਈ ਜਾਨੀ ਨੁਕਸਾਨ ਹੋ ਸਕਦਾ ਹੈ। ਬਰਨਾਲਾ ਤੋਂ ਸੇਖਾ ਦੀ ਵੀ ਆਵਾਜਾਈ ਬਹੁਤ ਜਿਆਦਾ ਹੈ। ਬਰਨਾਲਾ ਤੋਂ ਸੇਖਾ ਸੜਕ ਦੀ ਚੌੜਾਈ 33 ਫੁੱਟ ਕੀਤੀ ਜਾਵੇ ਤੇ ਫ਼ਰਵਾਹੀ ਤੇ ਸੇਖਾ ਤੇ ਸੇਖਾ ਤੋਂ ਪਲੇਟੀ ਸੜਕਾ ਦੀ ਚੌੜਾਈ 22 ਫੁੱਟ ਕੀਤੀ ਜਾਵੇ। ਜੇਕਰ ਅਜਿਹਾ ਨਾ ਕੀਤਾ ਗਿਆ ਤਾਂ ਪਿੰਡ ਵਾਸੀ 1ਮਈ ਤੋਂ ਟਰੱਕਾਂ ਦੀ ਆਵਾਜਾਈ ਰੋਕ ਕੇ ਘਿਰਾਓ ਕਰਨ ਲਈ ਮਜ਼ਬੂਰ ਹੋਣਗੇ। ਫ਼ਣਕ ਦੀ ਫ਼ਸਲ ਦਾ ਜੋ ਨੁਕਸਾਨ ਹੋਇਆ ਹੈ ਉਸ ਦਾ ਮੁਆਵਜ਼ਾ ਕਿਸਾਨਾਂ ਨੂੰ ਜਲਦ ਦਿੱਤਾ ਜਾਵੇ। ਆਗੂਆਂ ਚਿਤਾਵਨੀ ਦਿੰਦਿਆਂ ਕਿਹਾ ਕਿ ਜੇਕਰ ਉਨ੍ਹਾ ਦੀਆਂ ਮੰਗਾਂ ਵੱਲ ਗੌਰ ਨਾ ਕੀਤਾ ਗਿਆ ਤਾਂ ਜਥੇਬੰਦੀ ਵਲੋਂ ਸੰਘਰਸ਼ ਵਿੱਢਿਆ ਜਾਵੇਗਾ। ਇਸ ਮੌਕੇ ਮੇਜਰ ਸਿੰਘ, ਗੁਰਦਿਆਲ ਸਿੰਘ, ਕਾਬਲ ਸਿੰਘ, ਨਛੱਤਰ ਸਿੰਘ, ਪਰਮਜੀਤ ਸਿੰਘ, ਮੱਖਣ ਸਿੰਘ, ਗੁਰਦੀਪ ਸਿੰਘ ਆਦਿ ਵੀ ਹਾਜ਼ਰ ਸਨ।
