ਚੰਡੀਗੜ੍ਹ 15 ਜੁਲਾਈ-ਇੱਕ ਪਾਕਿਸਤਾਨੀ ਮਹਿਲਾ ਤੇ ਭਾਰਤੀ ਮੁੰਡੇ ਦੀ ਪ੍ਰੇਮ ਕਹਾਣੀ ਅੱਤਵਾਦੀ ਹਮਲੇ ਦੀਆਂ ਧਮਕੀਆਂ ਤੱਕ ਪੁੱਜ ਗਈ ਹੈ । ਮੁੰਬਈ ਪੁਲਿਸ ਦੇ ਕੰਟਰੋਲ ਰੂਮ ‘ਤੇ ਕਿਸੇ ਨੇ ਫੋਨ ਕਰਕੇ ਧਮਕੀ ਦਿੱਤੀ ਹੈ ਕਿ ਜੇਕਰ ਸੀਮਾ ਹੈਦਰ ਵਾਪਸ ਪਾਕਿਸਤਾਨ ਨਾ ਪਰਤੀ ਤਾਂ ਭਾਰਤ ਬਰਬਾਦ ਹੋ ਜਾਵੇਗਾ ਅਤੇ 26/11 ਵਰਗਾ ਹਮਲਾ ਦੁਬਾਰਾ ਹੋਵੇਗਾ । ਸੀਮਾ ਹੈਦਰ ਦੇ ਮਾਮਲੇ ‘ਚ ਇਸ ਧਮਕੀ ਤੋਂ ਪਹਿਲਾਂ ਵੀ ਇੱਕ ਅੱਤਵਾਦੀ ਸੰਗਠਨ ਨੇ ਇਸੇ ਤਰ੍ਹਾਂ ਦੀ ਧਮਕੀ ਦਿੱਤੀ ਸੀ । ਜ਼ਿਕਰਯੋਗ ਹੈ ਕਿ PUBG ਗੇਮ ਖੇਡਣ ਦੀ ਸ਼ੌਕੀਨਣ ਇੱਕ ਪਾਕਿਸਤਾਨੀ ਮਹਿਲਾ ਭਾਰਤ ਦੇ ਰਹਿਣ ਵਾਲੇ ਸਚਿਨ ਦੇ ਪ੍ਰੇਮ ਜਾਲ ਵਿੱਚ ਫਸੀ ਅਤੇ ਆਪਣੇ ਚਾਰ ਬੱਚੇ ਲੈ ਕੇ ਕਿਸੇ ਤਰ੍ਹਾਂ ਨੇਪਾਲ ਦੇ ਰਸਤੇ ਸਚਿਨ ਦੇ ਘਰ ਨੋਇਡਾ ਪੁੱਜ ਗਈ। ਕੁਝ ਦਿਨਾਂ ਬਾਅਦ ਇਸਦੀ ਜਾਣਕਾਰੀ ਪੁਲਿਸ ਨੂੰ ਮਿਲੀ ਤਾਂ ਦੋਵਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ। ਫ਼ਿਲਹਾਲ ! ਦੋਵੇਂ ਜ਼ਮਾਨਤ ‘ਤੇ ਹਨ ਅਤੇ ਸੀਮਾ ਹੈਦਰ ਆਪਣੇ ਬੱਚਿਆਂ ਸਮੇਤ ਸਚਿਨ ਦੇ ਨਾਲ ਹੀ ਰਹਿਣਾ ਚਾਹੁੰਦੀ ਹੈ । ਇਸੇ ਮਾਮਲੇ ਵਿੱਚ ਅਜਿਹੀਆਂ ਧਮਕੀਆਂ ਦਿੱਤੀਆਂ ਜਾ ਰਹੀਆਂ ਹਨ ਕਿ ਜੇਕਰ ਸੀਮਾ ਹੈਦਰ ਵਾਪਸ ਪਾਕਿਸਤਾਨ ਨਾ ਪਰਤੀ ਤਾਂ ਅੱਤਵਾਦੀ ਹਮਲਾ ਕੀਤਾ ਜਾਵੇਗਾ ।
Menu
