ਬਰਨਾਲਾ , 8 ਅਗਸਤ (ਸੁਖਵਿੰਦਰ ਸਿੰਘ ਭੰਡਾਰੀ )-ਗੀਤਾ ਭਵਨ ਬਰਨਾਲਾ ਵਿਖੇ ਸ਼ਹਿਰ ਦੀਆਂ ਵੱਖ -ਵੱਖ ਧਾਰਮਿਕ ਅਤੇ ਸਮਾਜਿਕ ਸੰਸਥਾਵਾਂ ਦੀ ਇੱਕ ਸਾਂਝੀ ਮੀਟਿੰਗ ਪ੍ਰਧਾਨ ਬਸੰਤ ਕੁਮਾਰ ਗੋਇਲ ਦੀ ਪ੍ਰਧਾਨਗੀ ਹੇਠ ਹੋਈ। ਇਸ ਮੌਕੇ ਉਨ੍ਹਾਂ ਦੱਸਿਆ ਕਿਹਾ ਕਿ ਵੱਖ ਵੱਖ ਸੰਸਥਾਵਾਂ ਦੇ ਸਹਿਯੋਗ ਨਾਲ ਗੀਤਾ ਭਵਨ ਬਰਨਾਲਾ ਵੱਲੋਂ ਸ਼੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ਮੌਕੇ ਪ੍ਰਭਾਤ ਫੇਰੀ ਇਸ ਸਾਲ 6 ਅਤੇ 7 ਸਤੰਬਰ 2023 ਨੂੰ ਦੋ ਦਿਨ ਸਜਾਈ ਜਾਵੇਗੀ। ਉਹਨਾਂ ਕਿਹਾ ਕਿ ਬਰਨਾਲਾ ਵਿਖੇ ਸ਼੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ਉਸ ਦਿਨ ਹੀ ਮਨਾਈ ਜਾਂਦੀ ਹੈ, ਜਿਸ ਦਿਨ ਸ੍ਰੀ ਬ੍ਰਿਦਾਵਨ ਧਾਮ ਵਿਖੇ ਮਨਾਈ ਜਾਂਦੀ ਹੈ। ਮੀਟਿੰਗ ਦੀ ਕਾਰਵਾਈ ਚਲਾਉਂਦਿਆਂ ਜਨਰਲ ਸਕੱਤਰ ਰਾਜਿੰਦਰ ਗਾਰਗੀ ਨੇ ਸਾਰੇ ਮੈਂਬਰਾਂ ਤੋਂ ਪ੍ਰਭਾਤ ਫੇਰੀ ਦੇ ਸਫ਼ਲ ਆਯੋਜਨ ਸੰਬੰਧੀ ਸੁਝਾਅ ਮੰਗੇ। ਮੀਟਿੰਗ ਦੌਰਾਨ ਇਹ ਫ਼ੈਸਲਾ ਕੀਤਾ ਗਿਆ ਕਿ ਜਨਮ ਅਸ਼ਟਮੀ ਮੌਕੇ ਬਰਨਾਲਾ ਦੇ ਸਾਰੇ ਮੰਦਰਾਂ ਤੇ ਨਵੇਂ ਝੰਡੇ ਲਗਾਏ ਜਾਣਗੇ ਅਤੇ ਇਹ ਝੰਡੇ ਗੀਤਾ ਭਵਨ ਬਰਨਾਲਾ ਵੱਲੋਂ ਮੁਫ਼ਤ ਵੰਡੇ ਜਾਣਗੇ, ਸਾਰੇ ਮੰਦਰਾਂ ‘ਤੇ ਲੜੀਆਂ ਪਾ ਕੇ ਰੌਸ਼ਨੀਆਂ ਦਾ ਪ੍ਰਬੰਧ ਕੀਤਾ ਜਾਵੇਗਾ , ਆਪਣੀ ਸਮਰੱਥਾ ਅਨੁਸਾਰ ਪ੍ਰਭਾਤ ਫੇਰੀ ‘ਚ ਸ਼ਾਮਿਲ ਭਗਤਾਂ ਦੀ ਸੇਵਾ ਲਈ ਸਟਾਲਾਂ ਲਾਉਣ ਦਾ ਉਪਰਾਲਾ ਕੀਤਾ ਜਾਵੇਗਾ। ਇਸ ਤੋਂ ਇਲਾਵਾ ਸਾਰੀਆਂ ਸਮਾਜਿਕ ਤੇ ਧਾਰਮਿਕ ਸੰਸਥਾਵਾਂ ਦੀ ਇੱਕ ਸਾਂਝੀ ਮੀਟਿੰਗ ਹਰ ਤਿੰਨ ਮਹੀਨਿਆਂ ਬਾਅਦ ਗੀਤਾ ਭਵਨ ਬਰਨਾਲਾ ਵਿਖੇ ਹੋਇਆ ਕਰੇਗੀ। ਮੀਟਿੰਗ ਦੌਰਾਨ ਵੱਧ ਤੋਂ ਵੱਧ ਸੰਸਥਾਂਵਾਂ ਅਤੇ ਪਤਵੰਤੇ ਸੱਜਣਾਂ ਨੂੰ ਪ੍ਰਭਾਤ ਫੇਰੀ ‘ਚ ਸ਼ਾਮਿਲ ਹੋਣ ਦੀ ਬੇਨਤੀ ਕੀਤੀ ਗਈ। ਇਸ ਮੌਕੇ ਸ਼੍ਰੀ ਦੁਰਗਾ ਮਾਤਾ ਮੰਦਰ ਕਮੇਟੀ ਪਿਆਰਾ ਕਲੌਨੀ ਦੇ ਮੁੱਖ ਸੇਵਾਦਾਰ ਸੁਖਵਿੰਦਰ ਸਿੰਘ ਭੰਡਾਰੀ, ਗੀਤਾ ਭਵਨ ਟਰੱਸਟ ਬਰਨਾਲਾ ਦੇ ਸੰਯੁਕਤ ਸਕੱਤਰ ਵਿਨੋਦ ਸ਼ਰਮਾ, ਪ੍ਰਿੰਸ ਕੁਮਾਰ ਅਤੇ ਦਵਿੰਦਰ ਚੌਹਾਨ ਸ੍ਰੀ ਬਾਂਕੇ ਬਿਹਾਰੀ ਸੰਕੀਰਤਨ ਮੰਡਲ, ਬਲਦੇਵ ਕੁਮਾਰ ਅਤੇ ਮੱਖਣ ਲਾਲ ਸ਼੍ਰੀ ਆਦਿ ਸ਼ਕਤੀ ਮਾਤਾ ਮੰਦਰ, ਰਵਿੰਦਰ ਕੁਮਾਰ ਸ਼ਰਮਾਂ ਸ਼੍ਰੀ ਮਹਾਂ ਸ਼ਿਵ ਕਾਂਵੜ ਸੰਘ ਰਜਿਸਟਰਡ, ਗਿਆਨ ਚੰਦ ਉੱਪਲੀ ਅਤੇ ਅਸ਼ਵਨੀ ਕੁਮਾਰ ਸ਼੍ਰੀ ਬਾਲਾ ਜੀ ਟਰੱਸਟ, ਤਰਸੇਮ ਲਾਲ ਸ਼੍ਰੀ ਪੰਚ ਦੇਵ ਮੰਦਰ ਲੱਖੀ ਕਲੌਨੀ, ਅੱਗਰਵਾਲ ਸਭਾ ਦੇ ਰਾਮਪਾਲ ਸਿੰਗਲਾ, ਉਪਿੰਦਰ ਸਰਪੰਚ ਅਤੇ ਅਮਰਜੀਤ ਕਾਲੇਕੇ ਪ੍ਰਾਚੀਨ ਗਊਸ਼ਾਲਾ, ਵਿਜੇ ਮਾਰਵਾੜੀ ਪ੍ਰਦੇਸ਼ ਸਹਿ ਮੁਖੀ ਵਿਸ਼ਵ ਹਿੰਦੂ ਪ੍ਰੀਸ਼ਦ, ਗਰਵਿਤ ਗੋਇਲ ਪ੍ਰਧਾਨ ਗਊ ਪੁੱਤਰ ਸੈਨਾ ਪੰਜਾਬ, ਅਸ਼ਵਨੀ ਕੁਮਾਰ ਸ਼੍ਰੀ ਰਾਧਾ ਕ੍ਰਿਸ਼ਨ ਬਾਬਾ ਬੰਸੀ ਵਾਲਾ ਮੰਦਿਰ, ਪੰਚਾਇਤੀ ਮੰਦਿਰ ਭਾਰਤੀ ਮਹਾਵੀਰ ਦਲ ਦੇ ਸੁਭਾਸ਼ ਗਰਗ ਬਾਲਾ ਜੀ, ਕਾਮਧੇਨੁ ਗਊਸ਼ਾਲਾ ਦੇ ਦੇਵ ਦੱਤ ਸ਼ਰਮਾ, ਆਰੀਆ ਸਮਾਜ ਦੇ ਕੇਵਲ ਜਿੰਦਲ, ਅਪਣਾ ਕਾਂਵੜ ਸੰਘ ਦੇ ਅਸ਼ੋਕ ਪੁਰੀ, ਨਿਰਾਲੇ ਬਾਬਾ ਮੰਦਿਰ ਦੇ ਸੋਮਨਾਥ ਸਹੌਰੀਆ, ਗੋਪਾਲ ਭਵਨ ਦੇ ਪੰਡਿਤ ਪ੍ਰੇਮ ਪਚੋਰੀ,ਟੋਨੀ, ਅਸ਼ੋਕ ਗੋਇਲ, ਸ਼੍ਰੀ ਬਾਂਕੇ ਬਿਹਾਰੀ ਸੰਕੀਰਤਨ ਮੰਡਲ ਦੇ ਦੇਵਿੰਦਰ ਚੌਹਾਨ ਆਦਿ ਤੋਂ ਇਲਾਵਾ ਅਨੇਕਾਂ ਹੋਰ ਮੈਂਬਰ ਵੀ ਹਾਜ਼ਰ ਸਨ।.
Menu
