-ਮੰਡੀਆਂ ’ਚੋਂ ਝੋਨਾ, ਮੋਟਰਸਾਈਕਲ ਕਰਦੇ ਸਨ ਚੋਰੀ
ਬਰਨਾਲਾ, 03 ਨਵੰਬਰ (ਨਿਰਮਲ ਸਿੰਘ ਪੰਡੋਰੀ) :
ਬਰਨਾਲਾ ਪੁਲਿਸ ਵੱਲੋਂ ਲੁੱਟਾਂ-ਖੋਹਾਂ ਕਰਨ, ਮੰਡੀਆਂ ਚੋਂ ਝੋਨਾ ਚੋਰੀ ਕਰਨ ਅਤੇ ਮੋਟਰਸਾਈਕਲ ਚੋਰੀ ਕਰਨ ਵਾਲਾ ਇੱਕ ਪੇਸ਼ੇਵਰ ਗਿਰੋਹ ਕਾਬੂ ਕੀਤਾ ਹੈ। ਪੈ੍ਰਸ ਕਾਨਫਰੰਸ ਦੌਰਾਨ ਐਸਐਸਪੀ ਸ੍ਰੀ ਸੰਦੀਪ ਕੁਮਾਰ ਮਲਿਕ ਨੇ ਦੱਸਿਆ ਕਿ ਗੁਪਤ ਸੂਚਨਾ ਦੇ ਆਧਾਰ ’ਤੇ ਸੀਆਈਏ ਦੇ ਏਐਸਆਈ ਲਵਪ੍ਰੀਤ ਸਿੰਘ ਨੇ ਸਮੇਤ ਪੁਲਿਸ ਪਾਰਟੀ ਮੁਕੱਦਮਾ ਨੰਬਰ 130/ 25 ਅਕਤੂਬਰ 2022 ਦੇ ਆਧਾਰ ’ਤੇ ਗਿਰੋਹ ਦੇ ਮੈਂਬਰ ਮਨਪ੍ਰੀਤ ਸਿੰਘ, ਗੁਰਵਿੰਦਰ ਸਿੰਘ, ਚਤਰ ਸਿੰਘ ਅਤੇ ਬਲਵੀਰ ਸਿੰਘ ਉਰਫ ਗੱਗੀ ਚਾਰੇ ਵਾਸੀਅਨ ਕੋਟੜਾ ਕੌੜਿਆਂਵਾਲੀ ਨੂੰ ਕਾਬੂ ਕੀਤਾ ਅਤੇ 14 ਚੋਰੀ ਕੀਤੇ ਮੋਟਰਸਾਈਕਲ ਵੀ ਬਰਾਮਦ ਕੀਤੇ। ਇਸ ਤੋਂ ਇਲਾਵਾ ਸਹਾਇਕ ਥਾਣੇਦਾਰ ਸੇਵਾ ਸਿੰਘ ਸਿਟੀ ਬਰਨਾਲਾ ਨੇ ਸੁਖਵੀਰ ਸਿੰਘ ਉਰਫ ਸੁੱਖੀ ਵਾਸੀ ਬਿਲਾਸਪੁਰ ਜ਼ਿਲ੍ਹਾ ਮੋਗਾ ਨੂੰ ਕਾਬੂ ਕਰਕੇ ਉਸ ਪਾਸੋਂ 3 ਚੋਰੀ ਦੇ ਮੋਟਰਸਾਈਕਲ ਬਰਾਮਦ ਕੀਤੇ। ਉਨ੍ਹਾਂ ਦੱਸਿਆ ਕਿ ਪੁਲਿਸ ਨੂੰ ਇਤਲਾਹ ਮਿਲੀ ਕਿ ਬੰਟੀ ਸਿੰਘ ਵਾਸੀ ਬਰਨਾਲਾ, ਜਸਪ੍ਰੀਤ ਸਿੰਘ ਉਰਫ ਜੱਸੂ ਵਾਸੀ ਰਾਮਗੜ ਜ਼ਿਲਾ ਮੁਕਤਸਰ ਸਾਹਿਬ ਹਾਲ ਅਬਾਦ ਖੁੱਡੀ ਰੋਡ ਨੇੜੇ ਰੇਲਵੇ ਫਾਟਕ ਬਰਨਾਲਾ, ਕਾਲਾ ਸਿੰਘ ,ਵਿੱਕੀ ਸਿੰਘ, ਬੌਣਾ ਸਿੰਘ ਵਾਸੀਅਨ ਸੰਧੂ ਪੱਤੀ ਬਰਨਾਲਾ ਨੇ ਹੋਰ ਸਾਥੀਆਂ ਨਾਲ ਮਿਲ ਕੇ ਗਿਰੋਹ ਬਣਾਇਆ ਹੋਇਆ ਹੈ ਜੋ ਅਲੱਗ-ਅਲੱਗ ਮੰਡੀਆਂ ‘ਚੋਂ ਰਾਤ ਨੂੰ ਝੋਨਾ ਚੋਰੀ ਕਰਦੇ ਹਨ, ਇਨ੍ਹਾਂ ’ਚੋਂ ਬੰਟੀ ਸਿੰਘ , ਜਸਪ੍ਰੀਤ ਸਿੰਘ, ਅਰੁਣ ਕੁਮਾਰ ਅਤੇ ਰਾਜਿੰਦਰ ਕੁਮਾਰ ਵਾਸੀ ਸੰਘੇੜਾ ਨੂੰ ਗਿ੍ਫਤਾਰ ਕੀਤਾ ਅਤੇ ਇਨ੍ਹਾਂ ਪਾਸੋ 205 ਬੋਰੀਆਂ ਝੋਨਾ, ਛੋਟਾ ਹਾਥੀ ਨੰਬਰ ਪੀਬੀ-08ਬੀਐਚ 5190 ਅਤੇ ਹੌਂਡਾ ਸਿਟੀ ਕਾਰ ਬਰਾਮਦ ਕੀਤੀ ਗਈ ਹੈ
ਇਨਾਂ ਵਿਰੁੱਧ ਥਾਣਾ ਸਿਟੀ ਵਿਖੇ ਮੁਕੱਦਮਾ ਦਰਜ ਕਰਕੇ ਪੁੱਛਗਿਛ ਜਾਰੀ ਹੈ। ਇਸੇ ਤਰਾਂ ਹੀ ਥਾਣੇਦਾਰ ਕੁਲਦੀਪ ਸਿੰਘ ਸੀਆਈਏ ਸਟਾਫ਼ ਵੱਲੋਂ ਵਿਸ਼ਾਲ ਸਿੰਘ ਉਰਫ ਹਰਮਨ ਵਾਸੀ ਬਰਨਾਲਾ ਨੂੰ 22 ਗ੍ਰਾਮ ਹੈਰੋਇਨ ਅਤੇ 1 ਲੱਖ 32 ਹਜ਼ਾਰ ਰੁਪਏ ਡਰੱਗ ਮਨੀ ਬਰਾਮਦ ਕੀਤੀ ਗਈ ਹੈ। ਇਸੇ ਤਰਾਂ ਥਾਣਾ ਤਪਾ ਦੀ ਪੁਲਿਸ ਵੱਲੋਂ ਨਾਕਾਬੰਦੀ ਦੌਰਾਨ ਲੁੱਟਾਂ-ਖੋਹਾਂ ਕਰਨ ਵਾਲੇ ਨਾਬਾਲਿਗ ਸੋਨੂੰ , ਮੋਨੂੰ ਪੁੱਤਰਾਨ ਦਿਨੇਸ਼ ਵਾਸੀ ਜੋਧਪੁਰ ਕੈਂਚੀਆਂ ਮੌੜ ਨੂੰ 1 ਚੈਨੀ ਸੋਨਾ ਅਤੇ 10 ਹਜ਼ਾਰ ਰੁਪਏ ਦੇ ਕਰੰਸੀ ਨੋਟ ਬਰਾਮਦ ਕੀਤੇ ਗਏ ਹਨ । ਜ਼ਿਲ੍ਹਾ ਪੁਲਿਸ ਮੁਖੀ ਨੇ ਦੱਸਅਿਾ ਕਿ ਦੋਸ਼ੀਆਂ ਦਾ ਰਿਮਾਂਡ ਲੈ ਕੇ ਪੁੱਛਗਿਛ ਕੀਤੀ ਜਾ ਰਹੀ ਹੈ ਜਿਸ ਦੇ ਆਧਾਰ ’ਤੇ ਚੋਰੀ ਦੇ ਹੋਰ ਸੁਰਾਗ ਮਿਲਣ ਦੇ ਆਸਾਰ ਹਨ। ਸ਼ਹਿਣਾ ਵਿਖੇ 3 ਨਵੰਬਰ 2022 ਨੂੰ ਹੋਏ ਇੱਕ ਕਤਲ ਸੰਬੰਧੀ ਦੱਸਦੇ ਹੋਏ ਮਾਨਯੋਗ ਐਸਐਸਪੀ ਨੇ ਕਿਹਾ ਕਿ ਦੋਸ਼ੀ ਚੋਰੀ ਦੀ ਨੀਅਤ ਨਾਲ ਹੀ ਆਏ ਸਨ ਅਤੇ ਇਸੇ ਦੌਰਾਨ ਇਹ ਕਤਲ ਹੋਇਆ ਹੈ। ਜਿਸ ਦੇ ਦੋਸ਼ੀਆਂ ਨੂੰ ਜਲਦੀ ਕਾਬੂੁ ਕਰ ਲਿਆ ਜਾਵੇਗਾ।
