ਬਰਨਾਲਾ, 3 ਜੂਨ-ਪੰਜਾਬ ਪੁਲਿਸ ਦੇ ਇੱਕ ਐਸਪੀ, ਇੱਕ ਡੀਐਸਪੀ ਅਤੇ ਇੱਕ ਸਬ- ਇੰਸਪੈਕਟਰ ‘ਤੇ ਰਿਸ਼ਵਤ ਲੈਣ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ । ਪ੍ਰਾਪਤ ਜਾਣਕਾਰੀ ਅਨੁਸਾਰ ਫਰੀਦਕੋਟ ਰੇਂਜ ਦੇ ਆਈਜੀ ਪ੍ਰਦੀਪ ਕੁਮਾਰ ਯਾਦਵ ਦੇ ਹੁਕਮਾਂ ‘ਤੇ ਇਕ ਡੇਰੇ ਵਿਖੇ ਹੋਏ ਕਤਲ ਮਾਮਲੇ ਵਿੱਚ ਬਣਾਈ ਗਈ ਤਿੰਨ-ਮੈਂਬਰੀ ਪੜਤਾਲੀਆ ਟੀਮ ਦੇ ਮੈਂਬਰਾਂ ਵੱਲੋਂ 20 ਲੱਖ ਰੁਪਏ ਰਿਸ਼ਵਤ ਲੈਣ ‘ਤੇ ਫਰੀਦਕੋਟ ਦੇ ਐੱਸ ਪੀ ਇਨਵੈਸਟੀਗੇਸ਼ਨ ਗਗਨੇਸ਼ ਕੁਮਾਰ, DSP PBI ਸੁਸ਼ੀਲ ਕੁਮਾਰ ਅਤੇ ਆਈ ਜੀ ਦਫ਼ਤਰ ਫਰੀਦਕੋਟ ਦੀ ਆਰਟੀਆਈ ਸ਼ਾਖਾ ਦੇ ਇੰਚਾਰਜ਼ ਸਬ ਇੰਸਪੈਕਟਰ ਖੇਮ ਚੰਦ ਪਰਾਸ਼ਰ ਸਮੇਤ ਦੋ ਹੋਰ ਪ੍ਰਾਈਵੇਟ ਵਿਅਕਤੀਆਂ ਉੱਪਰ ਕੋਟਕਪੂਰਾ ਦੇ ਸਦਰ ਥਾਣੇ ਵਿਚ ਮੁਕੱਦਮਾ ਦਰਜ ਕੀਤਾ ਗਿਆ ਹੈ । ਵੇਰਵੇ ਅਨੁਸਾਰ ਉਕਤ ਕਤਲ ਕਾਂਡ ਦੇ ਮਾਮਲੇ ਦੀ ਪੜਤਾਲ ਦੌਰਾਨ ਆਈਜੀ ਫ਼ਰੀਦਕੋਟ ਦੇ ਨਾਮ ‘ਤੇ 50 ਲੱਖ ਦੀ ਰਿਸ਼ਵਤ ਉਕਤ ਅਫਸਰਾਂ ਨੇ ਮੰਗੀ ਸੀ ਜਿਸ ਵਿੱਚੋਂ 20 ਲੱਖ ਰੁਪਏ ਵਸੂਲ ਕਰ ਲਏ ਸਨ । ਇਸ ਸਬੰਧੀ ਸ਼ਿਕਾਇਤ ਮਿਲਣ ਤੋਂ ਬਾਅਦ ਵਿਜੀਲੈਂਸ ਦੇ ਉੱਚ ਅਧਿਕਾਰੀਆਂ ਦੀ ਟੀਮ ਨੇ ਐਸਐਸਪੀ ਦਫ਼ਤਰ ਫ਼ਰੀਦਕੋਟ ਪੁੱਜ ਕੇ ਉਕਤ ਪੁਲਿਸ ਅਫਸਰਾਂ ਤੋਂ ਕੀਤੀ ਪੁੱਛਗਿੱਛ ਦੇ ਅਧਾਰ ‘ਤੇ ਮਾਮਲਾ ਦਰਜ ਕੀਤਾ ।
Menu
