ਚੰਡੀਗੜ੍ਹ, 22 ਅਪ੍ਰੈਲ, Gee98 News service
-UPSC ਨੇ ਸਿਵਲ ਸਰਵਿਸਿਜ਼ ਪ੍ਰੀਖਿਆ 2024 ਦੇ ਫਾਈਨਲ ਨਤੀਜੇ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਵਾਰ ਪ੍ਰਯਾਗਰਾਜ ਦੀ ਸ਼ਕਤੀ ਦੂਬੇ ਆਲ ਇੰਡੀਆ ਟਾਪਰ ਬਣੀ ਹੈ, ਜਦ ਕਿ ਹਰਿਆਣਾ ਦੀ ਹਰਸ਼ਤਾ ਗੋਇਲ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ ਹੈ। UPSC ਸਿਵਿਲ ਸਰਵਿਸਿਜ਼ ਪ੍ਰੀਖਿਆ 2024 ਦੀ ਟਾਪਰ ਰਹੀ ਸ਼ਕਤੀ ਦੂਬੇ ਨੇ ਬਾਇਓ ਕੈਮਿਸਟਰੀ ‘ਚ 2016 ਚ ਪੋਸਟ ਗ੍ਰੈਜੂਏਸ਼ਨ ਕੀਤੀ ਹੈ। ਨਤੀਜੇ ਅਨੁਸਾਰ 1009 ਪ੍ਰੀਖਿਆਰਥੀਆਂ ਦਾ ਨਾਮ ਮੈਰਿਟ ਲਿਸਟ ਵਿੱਚ ਸ਼ਾਮਿਲ ਹੈ। ਜਿਸ ਵਿੱਚ ਜਨਰਲ ਸ੍ਰੇਣੀ ਦੇ 335, EWS ਦੇ 109, OBC ਦੇ 318, SC ਦੇ 160 ਅਤੇ ਐਸਟੀ ਦੇ 87 ਉਮੀਦਵਾਰਾਂ ਨੇ ਕੁਆਲੀਫਾਈ ਕੀਤਾ ਹੈ। ਯੂਪੀਐਸਸੀ ਪ੍ਰੀਖਿਆ 2024 ਦੇ ਫਾਈਨਲ ਨਤੀਜੇ ਦੀ ਮੈਰਿਟ ਸੂਚੀ upsc.gov.in ‘ਤੇ ਰਿਲੀਜ਼ ਕੀਤੀ ਗਈ ਹੈ।
