ਪਿੰਡ ਵਜੀਦਕੇ ਖੁਰਦ ਦੀਆਂ ਹਾਕੀ ਟੀਮਾਂ ਲਈ ਐਨਆਰਆਈ ਭਰਾਵਾਂ ਦਾ ਵੱਡਾ ਯੋਗਦਾਨ-ਪਾਲੀ ਵਜੀਦਕੇ
ਮਹਿਲ ਕਲਾਂ 17 ਮਾਰਚ (ਜਸਵੰਤ ਸਿੰਘ ਲਾਲੀ) ਪਿੰਡ ਵਜੀਦਕੇ ਖੁਰਦ ਵਿਖੇ ਐਨਆਰਆਈ ਤੇਜਾ ਸਿੰਘ ਸਿਡਨੀ ਵੱਲੋਂ ਸਾਬਕਾ ਫੌਜੀ ਭਾਗ ਸਿੰਘ ਦੇ ਯਤਨਾਂ ਸਦਕਾ ਅੰਡਰ-17 ਹਾਕੀ ਟੀਮ ਦੇ ਖਿਡਾਰੀਆਂ ਨੂੰ ਹਾਕੀਆਂ ਅਤੇ ਬਾਲਾਂ ਦਿੱਤੀਆਂ ਗਈਆਂ। ਇਸ ਮੌਕੇ ਜਾਣਕਾਰੀ ਦਿੰਦਿਆਂ ਸਰਪੰਚ ਕਰਮ ਸਿੰਘ ਬਾਜਵਾ, ਮੁੱਖ ਅਧਿਆਪਕ ਜਸਵਿੰਦਰ ਸਿੰਘ, ਡੀਪੀ ਮੈਡਮ ਸੁਰਜੀਤ ਕੌਰ, ਹਾਕੀ ਕੋਚ ਕੈਪਟਨ ਹਰਨੇਕ ਸਿੰਘ,ਨਛੱਤਰ ਸਿੰਘ ਸੋਨੀ ਫੌਜੀ, ਫਿੱਟਨਿੱਸ ਕੋਚ ਰਜਿੰਦਰ ਸਿੰਘ ਰਾਜੂ ਫੌਜੀ, ਲਛਮਣ ਸਿੰਘ ਵਜੀਦਕੇ, ਪ੍ਰਬੰਧਕ ਹਰਪਾਲ ਸਿੰਘ ਪਾਲੀ ਵਜੀਦਕੇ, ਸਹਿ ਪ੍ਰਬੰਧਕ ਬਲਜੀਤ ਸਿੰਘ ਬਬਲੂ ਨੇ ਦੱਸਿਆ ਕਿ ਪਿੰਡ ਵਜੀਦਕੇ ਖੁਰਦ ਵਿਖੇ ਬੱਚਿਆਂ ਵਿੱਚ ਹਾਕੀ ਖੇਡ ਨੂੰ ਲੈ ਕੇ ਉਤਸ਼ਾਹ ਹੈ। ਅੰਡਰ 14 ਅਤੇ ਅੰਡਰ-17 ਦੀਆਂ ਟੀਮਾਂ ਸਟੇਟ ਪੱਧਰ ਤੇ ਖੇਡ ਚੁੱਕੀਆਂ ਹਨ। ਪਿਛਲੇ ਦਿਨੀ ਹੋਏ ਹਾਕੀ ਟੂਰਨਾਮੈਂਟ ਦੌਰਾਨ ਬੱਚਿਆਂ ਦੀ ਖੇਡ ਤੋਂ ਪ੍ਰਭਾਵਿਤ ਹੋ ਕੇ ਸਿਡਨੀ ਵੱਸਦੇ ਐਨਆਰਆਈ ਤੇਜਾ ਸਿੰਘ ਵੱਲੋਂ ਬੱਚਿਆਂ ਨੂੰ ਹਾਕੀਆਂ ਅਤੇ ਬਾਲਾਂ ਦਿੱਤੀਆਂ ਗਈਆਂ ਹਨ। ਉਹਨਾਂ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਕਿ ਬੱਚਿਆਂ ਦੀ ਖੇਡ ਭਾਵਨਾ ਨੂੰ ਦੇਖਦਿਆਂ ਪਿੰਡਾਂ ਵਿੱਚ ਬਣ ਰਹੇ ਸਟੇਡੀਅਮਾਂ ਵਾਂਗ ਵਜੀਦਕੇ ਖੁਰਦ ਵਿਖੇ ਵੀ ਖੇਡ ਸਟੇਡੀਅਮ ਦਾ ਨਿਰਮਾਣ ਕੀਤਾ ਜਾਵੇ। ਉਹਨਾਂ ਐਨਆਰਆਈ ਭਰਾਵਾਂ ਅਤੇ ਸਮਾਜ ਸੇਵੀ ਲੋਕਾਂ ਨੂੰ ਹਾਕੀ ਖਿਡਾਰੀਆਂ ਦਾ ਵੱਧ ਤੋਂ ਵੱਧ ਸਹਿਯੋਗ ਕਰਨ ਦੀ ਅਪੀਲ ਕੀਤੀ। ਇਸ ਮੌਕੇ ਹਰਪਾਲ ਸਿੰਘ ਪਾਲੀ ਵਜੀਦਕੇ ਵੱਲੋਂ ਹਾਕੀ ਖਿਡਾਰੀਆਂ ਲਈ ਵੱਡੇ ਸਹਿਯੋਗ ਦਾ ਸੱਦਾ ਦਿੱਤਾ ਗਿਆ। ਇਸ ਮੌਕੇ ਸਰਪੰਚ ਕਰਮ ਸਿੰਘ ਬਾਜਵਾ ਦੀ ਅਗਵਾਈ ਹੇਠ ਭਾਗ ਸਿੰਘ ਫੌਜੀ ਅਤੇ ਗੁਰਜੰਟ ਸਿੰਘ ਸਰਾਂ ਦਾ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਐਨਆਰਆਈ ਸ੍ਰ ਨਰਿੰਦਰ ਸਿੰਘ ਸਮਰਾ ਵਜੀਦਕੇ ਕਲਾਂ , ਗੁਰਦੁਆਰਾ ਸਿੰਘ ਸਭਾ ਦੇ ਪ੍ਰਧਾਨ ਲਖਵਿੰਦਰ ਸਿੰਘ, ਪੰਚ ਜਸਵੀਰ ਸਿੰਘ ਗਰੇਵਾਲ, ਮੈਡਮ ਦਲਜੀਤ ਕੌਰ, ਪੰਚ ਡਾ ਗੋਬਿੰਦ ਸਿੰਘ,ਪੰਚ ਦਰਸਨ ਸਿੰਘ , ਪੰਚ ਨਛੱਤਰ ਸਿੰਘ ਸਰਾਂ, ਪੰਚ ਸਤਨਾਮ ਸਿੰਘ ਵਿਰਕ,ਬਾਬੂ ਹਰਬੰਸ ਲਾਲ,ਦਾਰਾ ਸਿੰਘ ਫੌਜੀ, ਜੱਸੀ ਸਿੰਘ, ਕਰਮਜੀਤ ਸਿੰਘ , ਅਧਿਆਪਕ ਕੁਲਦੀਪ ਸਿੰਘ, ਵਿਜੈ ਕੁਮਾਰ, ਮੈਡਮ ਮਨਪ੍ਰੀਤ ਕੌਰ, ਕੁਲਦੀਪ ਕੌਰ ਨੇ ਤੇਜਾ ਸਿੰਘ ਸਿਡਨੀ, ਭਾਗ ਸਿੰਘ ਫੌਜੀ ਅਤੇ ਗੁਰਜੰਟ ਸਿੰਘ ਸਰਾਂ ਦਾ ਧੰਨਵਾਦ ਕੀਤਾ ।
Menu
