ਚੰਡੀਗੜ੍ਹ, 4 ਫਰਵਰੀ, Gee98 News service
-ਦਿਨ-ਦਿਹਾੜੇ 2 ਨਕਾਬਪੋਸ਼ ਲੁਟੇਰਿਆਂ ਵੱਲੋਂ ਇੱਕ ਘਰ ਵਿਚ ਜ਼ਬਰਦਸਤੀ ਦਾਖਲ ਹੋ ਕੇ ਕਾਲਜ ਅਧਿਆਪਕਾ ਨੂੰ ਤੇਜ਼ਧਾਰ ਹਥਿਆਰਾਂ ਦਾ ਡਰ ਦਿਖਾਕੇ ਘਰ ਵਿਚ ਬੰਧਕ ਬਣਾਕੇ ਲੱਖਾਂ ਰੁਪਏ ਦੀ ਨਗਦੀ ਤੇ ਸੋਨੇ ਦੀ ਲੁੱਟ ਮਾਮਲੇ ਵਿਚ ਪੁਲਿਸ ਵੱਲੋਂ ਕੀਤੀ ਜਾਂਚ ਪੜ੍ਹਤਾਲ ਵਿਚ ਉਕਤ ਅਧਿਆਪਕ ਔਰਤ ਦਾ ਦਿਓਰ ਹੀ ਮਾਸਟਰ ਮਾਈਂਡ ਨਿਕਲਿਆ, ਜਿਸ ਨੇ ਆਪਣੇ ਇਕ ਸਾਥੀ ਦੀ ਸਹਾਇਤਾ ਨਾਲ ਘਰ ਵਿਚ ਦਾਖਲ ਹੋ ਕੇ ਲੁੱਟ ਕਰਨ ਦੀ ਘਟਨਾ ਨੂੰ ਅੰਜ਼ਾਮ ਦਿੱਤਾ ਗਿਆ। ਉਪਰੋਕਤ ਘਟਨਾ ਸਬੰਧੀ ਜਾਣਕਾਰੀ ਦਿੰਦਿਆਂ ਜ਼ਿਲ੍ਹਾ ਫਾਜ਼ਿਲਕਾ ਦੇ ਐਸਐਸਪੀ ਵਰਿੰਦਰ ਸਿੰਘ ਬਰਾੜ ਨੇ ਦੱਸਿਆ ਕਿ ਜਯੋਤੀ ਚੁੱਘ ਵਾਸੀ ਜੈਨ ਨਗਰੀ ਗਲੀ ਨੰ: 3 ਜੋ ਕਿ ਭਾਗ ਸਿੰਘ ਕਾਲਜ ਅਬੋਹਰ ਵਿਖੇ ਅਧਿਆਪਕਾ ਦੀ ਡਿਊਟੀ ਕਰਦੀ ਹੈ ਉਹ ਜਦੋਂ ਕਰੀਬ 3 ਵਜੇ ਆਪਣੇ ਘਰ ਪਹੁੰਚੀ ਤਾਂ ਉਪਰੋਕਤ ਲੁਟੇਰੇ ਜਿੰਨ੍ਹਾਂ ਨੇ ਆਪਣੇ ਚਿਹਰਿਆਂ ‘ਤੇ ਨਕਾਬ ਚੜ੍ਹਾਏ ਸਨ, ਘਰ ਦੀ ਔਰਤ ਜੋਯਤੀ ਨੂੰ ਬੰਨ੍ਹ ਕੇ ਘਰ ਦੇ ਸਟੋਰ ਵਿਚ ਬੰਦ ਕਰਕੇ ਘਰ ‘ਚੋਂ ਕਰੀਬ 16 ਤੋਲੇ ਸੋਨਾ ਤੇ ਲੱਖਾਂ ਰੁਪਏ ਦੀ ਨਗਦੀ ਲੁੱਟ ਕੇ ਫਰਾਰ ਹੋ ਗਏ ਸਨ। ਅਧਿਆਪਕਾ ਜਯੋਤੀ ਚੁੱਘ ਦੇ ਪਤੀ ਸੋਨੀ ਚੁੱਘ ਦੇ ਬਿਆਨਾਂ ‘ਤੇ ਅਣਪਛਾਤਿਆਂ ਖ਼ਿਲਾਫ਼ ਪਰਚਾ ਦਰਜ ਕਰਨ ਤੋਂ ਬਾਅਦ ਸੀਸੀਟੀਵੀ ਕੈਮਰਿਆਂ ਦੀ ਸਹਾਇਤਾ ਤੇ ਟੈਕਨੀਕਲ ਸਪੋਰਟ ਨਾਲ ਪੁਲਿਸ ਨੇ ਦੋਸ਼ੀ ਅਸ਼ਵਨੀ ਕੁਮਾਰ ਉਰਫ ਬਿੱਟੂ ਪੁੱਤਰ ਜਗਦੀਸ ਕੁਮਾਰ ਨਿਵਾਸੀ ਪੰਜਪੀਰ ਨਗਰ ਗਲੀ ਨੰ: 2 ਤੇ ਉਸ ਦੇ ਸਾਥੀ ਜਸਮਿੰਦਰਪਾਲ ਸਿੰਘ ਪੁੱਤਰ ਕੇਹਰ ਸਿੰਘ ਵਾਸੀ ਪੰਜਪੀਰ ਨਗਰ ਅਬੋਹਰ ਨੂੰ 24 ਘੰਟਿਆਂ ਵਿਚ ਹੀ ਟਰੇਸ ਕਰਕੇ ਕਾਬੂ ਕੀਤਾ। ਐਸਐਸਪੀ ਨੇ ਦੱਸਿਆ ਕਿ ਘਟਨਾ ਸਮੇਂ ਅਧਿਆਪਕਾ ਨੂੰ ਲੱਗਿਆ ਕਿ ਉਹਨਾਂ ਦਾ ਸਾਰਾ ਸੋਨਾ ਤੇ ਨਗਦੀ ਲੁਟੇਰੇ ਲੈ ਗਏ ਹਨ ਇਸ ਲਈ ਉਹਨਾਂ ਨੇ ਪੁਲਿਸ ਨੂੰ ਬਿਆਨ ਵਿੱਚ ਲੱਖਾਂ ਰੁਪਏ ਦੀ ਨਗਦੀ ਅਤੇ 16 ਤੋਲੇ ਸੋਨੇ ਦੇ ਗਹਿਣੇ ਲੁੱਟੇ ਹੋਏ ਲਿਖਵਾਏ ਪਰ
ਦੋਸ਼ੀਆਂ ਕੋਲੋਂ 55 ਹਜ਼ਾਰ ਰੁਪਏ ਨਗਦ ਤੇ ਸੋਨੇ ਦੀਆਂ ਬਾਲੀਆਂ ਹੀ ਬਰਾਮਦ ਹੋਈਆਂ ਹਨ। ਉਨ੍ਹਾਂ ਕਿਹਾ ਜਾਂਚ ਪੜ੍ਹਤਾਲ ਦੌਰਾਨ ਪੀੜ੍ਹਤਾ ਨੇ ਪੁਲਿਸ ਨੂੰ ਦੁਆਰਾ ਦੱਸਿਆ ਕਿ ਉਸਦੇ ਘਰ ਅਲਮਾਰੀ ਦੀ ਸੇਫ ਦੀ ਚਾਬੀ ਮਿਲਣ ‘ਤੇ ਜਦੋਂ ਉਨ੍ਹਾਂ ਚੰਗੀ ਤਰ੍ਹਾਂ ਨਾਲ ਘਰ ਵਿਚ ਚੈਕਿੰਗ ਕੀਤੀ ਤਾਂ ਸਿਰਫ ਇਕ ਜੋੜਾ ਟੌਪਸ ਵਜ਼ਨ 2.760 ਗਰਾਮ ਤੇ 60 ਹਜ਼ਾਰ ਰੁਪਏ ਹੀ ਚੋਰੀ ਹੋਏ ਸਨ, ਜਦੋਂਕਿ ਬਾਕੀ ਸਮਾਨ ਘਰ ‘ਚੋਂ ਬਰਾਮਦ ਹੋ ਗਿਆ। ਘਰ ਵਿੱਚ ਇਕੱਲੀ ਔਰਤ ਹੋਣ ‘ਤੇ ਲੁੱਟ ਦੀ ਘਟਨਾ ਨੂੰ ਅੰਜਾਮ ਦੇਣ ਵਾਲਾ ਇਸ ਘਟਨਾ ਦਾ ਮਾਸਟਰਮਾਈਂਡ ਅਸ਼ਵਨੀ ਕੁਮਾਰ ਉਸਦਾ ਦਿਓਰ ਹੀ ਹੈ ਤੇ ਉਸ ਦੇ ਖ਼ਿਲਾਫ਼ ਪਹਿਲਾਂ ਵੀ ਕਈ ਮਾਮਲੇ ਦਰਜ ਹਨ।
ਸਬੰਧਤ ਖਬਰ
