ਚੰਡੀਗੜ੍ਹ,4 ਅਪ੍ਰੈਲ, Gee98 news service
-ਪਾਕਿਸਤਾਨ ਦੇ ਸਿੰਧ ਸੂਬੇ ਤੋਂ ਪਰਵਾਸ ਕਰਕੇ ਆਈ ਇੱਕ ਹਿੰਦੂ ਪਰਿਵਾਰ ਦੀ ਔਰਤ ਨੇ ਅਟਾਰੀ ਸਰਹੱਦ ਨੇੜੇ ਇੱਕ ਬੱਚੇ ਨੂੰ ਜਨਮ ਦਿੱਤਾ ਹੈ।ਇਸ ਬੱਚੀ ਦਾ ਨਾਮ ਭਾਰਤੀ ਰੱਖਿਆ ਗਿਆ ਹੈ ਕਿਉਂਕਿ ਉਸਦਾ ਜਨਮ ਅਟਾਰੀ ਸਰਹੱਦ ਦੇ ਨੇੜੇ ਹੋਇਆ ਸੀ। ਇਸ ਤੋਂ ਪਹਿਲਾਂ 2021 ਵਿੱਚ ਵੀ ਇੱਕ ਪਾਕਿਸਤਾਨੀ ਔਰਤ ਨੇ ਅਟਾਰੀ ਸਰਹੱਦ ਨੇੜੇ ਇੱਕ ਬੱਚੇ ਨੂੰ ਜਨਮ ਦਿੱਤਾ ਸੀ, ਜਿਸਦਾ ਨਾਮ ਬਾਰਡਰ ਰੱਖਿਆ ਗਿਆ ਸੀ। ਕਰੋਨਾ ਕਾਲ ਵੇਲੇ ਜਨਮੇ ਬੱਚੇ ਵਾਂਗ ਇਸ ਬੱਚੀ ਨੂੰ ਵੀ ਭਾਰਤ ਦੀ ਨਾਗਰਿਕਤਾ ਮਿਲ ਜਾਵੇਗੀ।ਪਾਕਿਸਤਾਨ ਤੋਂ ਹਿੰਦੂਆਂ ਦਾ ਪਲਾਇਨ ਜਾਰੀ ਹੈ। 149 ਸਿੰਧੀ ਹਿੰਦੂਆਂ ਦਾ ਇੱਕ ਸਮੂਹ ਅਟਾਰੀ ਸਰਹੱਦ ‘ਤੇ ਪਹੁੰਚਿਆ। ਖਾਨੂ ਨਾਮ ਦੇ ਇੱਕ ਵਿਅਕਤੀ ਦੀ ਪਤਨੀ ਮਾਇਆ, ਜੋ ਕਿ ਸਮੂਹ ਵਿੱਚ ਸੀ, ਨੂੰ ਇਮੀਗ੍ਰੇਸ਼ਨ ਜਾਂਚ ਦੌਰਾਨ ਜਣੇਪੇ ਦੀਆਂ ਪੀੜਾਂ ਹੋਣ ਲੱਗੀਆਂ। ਇਮੀਗ੍ਰੇਸ਼ਨ ਅਧਿਕਾਰੀਆਂ ਨੇ ਤੁਰੰਤ ਮਾਇਆ ਨੂੰ ਅਟਾਰੀ ਦੇ ਸਰਕਾਰੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ।ਇੱਥੇ ਡਾਕਟਰਾਂ ਨੇ ਉਸਦੀ ਸੁਰੱਖਿਅਤ ਡਿਲੀਵਰੀ ਕਰ ਦਿੱਤੀ। ਮਾਇਆ ਨੇ ਇੱਕ ਧੀ ਨੂੰ ਜਨਮ ਦਿੱਤਾ। ਖਾਨੂ ਦੇ ਅਨੁਸਾਰ, ਉਹ ਦੋ ਪੁੱਤਰਾਂ ਅਤੇ ਸੱਤ ਧੀਆਂ ਦਾ ਪਿਤਾ ਹੈ। ਹਿੰਦੀ ਪਰਿਵਾਰ ਪਾਕਿਸਤਾਨ ਵਿੱਚ ਹੋ ਰਹੇ ਜ਼ੁਲਮ ਤੋਂ ਤੰਗ ਆ ਚੁੱਕੇ ਹਨ। ਉੱਥੇ ਆਪਣੇ ਪਰਿਵਾਰ ਦਾ ਗੁਜ਼ਾਰਾ ਤੋਰਨ ਵਿੱਚ ਉਸਨੂੰ ਬਹੁਤ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਸੀ।
