ਚੰਡੀਗੜ੍ਹ,18 ਅਪ੍ਰੈਲ, Gee98 News service
-ਪੰਜਾਬ ‘ਚ ਸਿੱਖਿਆ ਕ੍ਰਾਂਤੀ ਦੇ ਤਾਬੜਤੋੜ ਪ੍ਰਚਾਰ ਦੇ ਦੌਰਾਨ ਹੀ ਆਮ ਆਦਮੀ ਪਾਰਟੀ ਦੀ ਸਰਕਾਰ ਨੇ ਅਚਾਨਕ ਸਕੂਲਾਂ ਦੀਆਂ ਫੀਸਾਂ ਵਿੱਚ ਵੱਡਾ ਵਾਧਾ ਕਰ ਦਿੱਤਾ ਹੈ। ਪੰਜਾਬ ਸਕੂਲ ਸਿੱਖਿਆ ਬੋਰਡ (PSEB) ਨੇ ਅਕਾਦਮਿਕ ਸੈਸ਼ਨ 2025-26 ਤੋਂ ਆਪਣੇ ਵੱਖ-ਵੱਖ ਸੇਵਾਵਾਂ ਲਈ ਲਾਗੂ ਫੀਸਾਂ ਵਿੱਚ ਵਾਧਾ ਕਰ ਦਿੱਤਾ ਹੈ। ਇਸ ਫ਼ੈਸਲੇ ਨਾਲ ਵਿਦਿਆਰਥੀਆਂ ਅਤੇ ਉਨ੍ਹਾਂ ਦੇ ਮਾਪਿਆਂ ਦੀਆਂ ਜੇਬਾਂ ‘ਤੇ ਵਾਧੂ ਬੋਝ ਪਏਗਾ। ਨਵੇਂ ਨਿਯਮਾਂ ਅਨੁਸਾਰ ਹਰੇਕ ਪ੍ਰਕਾਰ ਦੀ ਫੀਸ ਵਿੱਚ ਝਟਕਾ ਦੇਣ ਵਾਲਾ ਵਾਧਾ ਕੀਤਾ ਗਿਆ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਪੰਜਾਬ ਸਕੂਲ ਸਿੱਖਿਆ ਬੋਰਡ ਨੇ ਸੈਸ਼ਨ 2025-26 ਤੋਂ ਟ੍ਰਾਂਸਕ੍ਰਿਪਟ (WES) ਲਈ 6000 ਰੁਪਏ,ਸਰਟੀਫਿਕੇਟ ਵਿੱਚ ਵੇਰਵਿਆਂ ਦੀ ਸੁਧਾਰ (ਪ੍ਰਤੀ ਗਲਤੀ) 1300,ਤਸਦੀਕ ਅਤੇ ਦੂਜੀ ਕਾਪੀ ਵਾਲੀ ਸਰਟੀਫਿਕੇਟ ਫੀਸ 900, ਮਾਈਗ੍ਰੇਸ਼ਨ ਸਰਟੀਫਿਕੇਟ 600 ਰੁਪਏ ਫੀਸ ਰੱਖੀ ਹੈ। ਇਸੇ ਤਰ੍ਹਾਂ ਪੰਜਾਬ ਸਕੂਲ ਸਿੱਖਿਆ ਬੋਰਡ ਨੇ 10ਵੀਂ ਜਮਾਤ ਲਈ ਨਵੀਆਂ ਪ੍ਰੀਖਿਆ ਫੀਸਾਂ ਵਿੱਚ ਵਾਧਾ ਕਰਦੇ ਹੋਏ ਰੈਗੂਲਰ ਉਮੀਦਵਾਰ (ਪ੍ਰੈਕਟੀਕਲ ਸਮੇਤ) 1500 ਰੁਪਏ, ਕੰਪਾਰਟਮੈਂਟ/ਵਾਧੂ ਵਿਸ਼ਾ 1200 ਰੁਪਏ, ਸ਼੍ਰੇਣੀ (ਗ੍ਰੇਡ) ਸੁਧਾਰ 2000 ਰੁਪਏ, ਵਾਧੂ ਵਿਸ਼ਾ (ਪ੍ਰਤੀ ਵਿਸ਼ਾ) 400, ਸਰਟੀਫਿਕੇਟ ਫੀਸ 220 ਰੁਪਏ ਅਤੇ ਇਸੇ ਤਰ੍ਹਾਂ 12ਵੀਂ ਜਮਾਤ (ਸਾਰੇ ਗਰੁੱਪਾਂ ਲਈ) ਰੈਗੂਲਰ ਉਮੀਦਵਾਰ (ਪ੍ਰੈਕਟੀਕਲ ਸਮੇਤ) 1900 ਰੁਪਏ, ਕੰਪਾਰਟਮੈਂਟ/ਵਾਧੂ ਵਿਸ਼ਾ 1600 ਰੁਪਏ, ਗ੍ਰੇਡ ਸੁਧਾਰ 2300 ਰੁਪਏ, ਵਾਧੂ ਵਿਸ਼ਾ (ਪ੍ਰਤੀ ਵਿਸ਼ਾ) 400 ਰੁਪਏ, ਸਰਟੀਫਿਕੇਟ ਫੀਸ 270 ਰੁਪਏ ਰੱਖੀ ਗਈ ਹੈ। ਬੋਰਡ ਵੱਲੋਂ ਇਹ ਹੁਕਮ ਸਾਰੀਆਂ ਸ਼ਾਖਾਵਾਂ ਨੂੰ ਜਾਰੀ ਕਰ ਦਿੱਤੇ ਗਏ ਹਨ ਅਤੇ ਨਵੀਆਂ ਫੀਸਾਂ ਅਗਲੇ ਅਕਾਦਮਿਕ ਸੈਸ਼ਨ ਤੋਂ ਲਾਗੂ ਹੋਣਗੀਆਂ। ਪੰਜਾਬ ਸਕੂਲ ਸਿੱਖਿਆ ਬੋਰਡ ਵੱਲੋਂ ਫੀਸਾਂ ਵਿੱਚ ਕੀਤੇ ਗਏ ਇਸ ਵਾਧੇ ਕਾਰਨ ਲੋਕਾਂ ਵਿਚ ਨਾਰਾਜ਼ਗੀ ਪਾਈ ਜਾ ਰਹੀ ਹੈ ਅਤੇ ਇਸਦੇ ਵਿਰੋਧ ਦੀ ਸੰਭਾਵਨਾ ਹੈ।
ਸਬੰਧਤ ਖਬਰ
