ਚੰਡੀਗੜ੍ਹ,18 ਜੂਨ, Gee98 News service
-ਸੀਨੀਅਰ ਅਕਾਲੀ ਨੇਤਾ ਬਿਕਰਮ ਸਿੰਘ ਮਜੀਠੀਆ ਨੇ ਮੰਗਲਵਾਰ ਦੇਰ ਰਾਤ ਪੰਜਾਬ ਦੀ ਭਗਵੰਤ ਮਾਨ ਸਰਕਾਰ ਦੇ ਇਕ ਮੰਤਰੀ ਡਾਕਟਰ ਰਵਜੋਤ ਸਿੰਘ ਦੀਆਂ ਇੱਕ ਔਰਤ ਨਾਲ ਨੰਗੇਜ਼ ਫੋਟੋਆਂ ਵਾਇਰਲ ਕਰਕੇ ਸੂਬੇ ਦੀ ਸਿਆਸਤ ਵਿੱਚ ਇੱਕ ਵਾਰ ਫੇਰ ਗਰਮਾਹਟ ਪੈਦਾ ਕਰ ਦਿੱਤੀ ਹੈ। ਹਾਲਾਂਕਿ ਦੂਜੇ ਪਾਸੇ ਕੈਬਨਿਟ ਮੰਤਰੀ ਡਾਕਟਰ ਰਵਜੋਤ ਸਿੰਘ ਨੇ ਦਾਅਵਾ ਕੀਤਾ ਕਿ ਇਹ ਉਹਨਾਂ ਦੀਆਂ ਸਾਬਕਾ ਪਤਨੀ ਨਾਲ ਫੋਟੋਆਂ ਹਨ ਜੋ AI ਨਾਲ ਐਡਿਟ ਕੀਤੀਆਂ ਹੋਈਆਂ ਹਨ। ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਮੰਤਰੀ ਦੀਆਂ ਫੋਟੋਆਂ ਪੋਸਟ ਕਰਕੇ ਮਜੀਠੀਆਂ ਨੇ ਇਹ ਵੀ ਦਾਅਵਾ ਕੀਤਾ ਕਿ ਉਹਨਾਂ ਕੋਲ ਮੰਤਰੀ ਦੀ ਅਸ਼ਲੀਲ ਵੀਡੀਓ ਵੀ ਹੈ ਜਿਸ ਨੂੰ ਉਹ ਜਲਦੀ ਵਾਇਰਲ ਕਰਨਗੇ। ਮਜੀਠੀਆ ਨੇ ਮੰਤਰੀ ਦੀਆਂ ਇਹਨਾਂ ਫੋਟੋਆਂ ਪੋਸਟ ਕਰਕੇ ਨਾਲ ਲਿਖਿਆ ਹੈ ਕਿ “ਆਪ ਸਰਕਾਰ ਦੇ ਇੱਕ ਹੋਰ ਮੰਤਰੀ ਦਾ ਕਾਰਨਾਮਾ…ਬੇਟੀਆਂ ਭੈਣਾਂ ਦੀ ਇੱਜ਼ਤ ਦੇ ਨਾਲ ਖੇਡਣ ਵਾਲੇ ਹਵਸ ਦੇ ਪੁਜਾਰੀ ਮੰਤਰੀ ਦਾ ਕਾਰਨਾਮਾ…ਜੇਕਰ ਥੋੜੀ ਸ਼ਰਮ ਹੈ ਤਾਂ ਆਪ ਪੰਜਾਬ ਸਰਕਾਰ ਨੂੰ, ਅਰਵਿੰਦ ਕੇਜਰੀਵਾਲ ਨੂੰ, ਮੁੱਖ ਮੰਤਰੀ ਭਗਵੰਤ ਮਾਨ ਨੂੰ ਤੁਰੰਤ ਉਕਤ ਮੰਤਰੀ ਨੂੰ ਡਿਸਮਿਸ ਕਰਕੇ ਪਾਰਟੀ ਵਿੱਚੋਂ ਕੱਢਣਾ ਚਾਹੀਦਾ ਹੈ…ਇਨਸਾਨੀਅਤ ਦੇ ਨਾਮ ‘ਤੇ ਧੱਬਾ…ਸ਼ਰਮ ਕਰੋ ਸ਼ਰਮ…#ਸੈਲਫੀ ਕਾਂਡ…।”
ਮਜੀਠੀਆ ਦੀ ਇਸ ਪੋਸਟ ਤੋਂ ਬਾਅਦ ਕੈਬਨਿਟ ਮੰਤਰੀ ਡਾਕਟਰ ਰਵਜੋਤ ਨੇ ਜਵਾਬ ਦਿੰਦੇ ਹੋਏ ਲਿਖਿਆ ਕਿ “ਵਿਰੋਧੀ ਨੇਤਾਵਾਂ ਨੇ ਨੈਤਿਕਤਾ ਦੀਆਂ ਸਾਰੀਆਂ ਹੱਦਾਂ ਪਾਰ ਕਰ ਦਿੱਤੀਆਂ ਹਨ, ਕੁਝ ਲੋਕ ਮੇਰੀ ਸਾਬਕਾ ਪਤਨੀ ਦੇ ਨਾਲ ਮੇਰੀਆਂ ਨਿੱਜੀ ਤਸਵੀਰਾਂ ਨੂੰ AI ਨਾਲ ਐਡਿਟ ਕਰਕੇ ਸੋਸ਼ਲ ਮੀਡੀਆ ‘ਤੇ ਫੈਲਾ ਰਹੇ ਹਨ, ਇਹ ਹਰਕਤ ਨੀਚਤਾ ਦੀ ਹੱਦ ਤੋਂ ਵੀ ਅੱਗੇ ਹੈ”। ਮੰਤਰੀ ਡਾਕਟਰ ਰਵਜੋਤ ਸਿੰਘ ਨੇ ਲਿਖਿਆ ਕਿ ਇਹ ਸਿਰਫ਼ ਨਿੱਜੀ ਹਮਲਾ ਨਹੀਂ ਸਗੋਂ ਜਾਤੀ ਅਤੇ ਰਾਜਨੀਤਿਕ ਸਾਜ਼ਿਸ਼ ਹੈ,ਮੰਤਰੀ ਨੇ ਕਿਹਾ ਕਿ ਉਹਨਾਂ ਨੂੰ ਨਿਸ਼ਾਨਾ ਇਸ ਕਰਕੇ ਬਣਾਇਆ ਗਿਆ ਹੈ ਕਿਉਂਕਿ ਉਹ ਦਲਿਤ ਪਰਿਵਾਰ ਨਾਲ ਸੰਬੰਧਿਤ ਹਨ। ਮੰਤਰੀ ਨੇ ਇਹ ਵੀ ਕਿਹਾ ਕਿ ਉਹ ਇਸ ਮਾਮਲੇ ਵਿੱਚ ਸਖ਼ਤ ਕਾਨੂੰਨੀ ਕਾਰਵਾਈ ਅਤੇ ਮਾਣਹਾਨੀ ਦਾ ਮੁਕੱਦਮਾ ਵੀ ਕਰਨਗੇ।
ਦੂਜੇ ਪਾਸੇ ਹੁਣ ਲੋਕਾਂ ਦੀਆਂ ਨਜ਼ਰਾਂ ਇਸ ਪਾਸੇ ਟਿਕੀਆਂ ਹੋਈਆਂ ਹਨ ਕਿ ਮਜੀਠੀਆ ਮੰਤਰੀ ਦੀ ਵੀਡੀਓ ਵਾਇਰਲ ਕਦੋਂ ਕਰਦੇ ਹਨ ਅਤੇ ਉਸ ਵੀਡੀਓ ਵਿੱਚ ਸ਼ਾਮਿਲ ਔਰਤ ਹੈ ਕੌਣ…ਕੀ ਇਹ ਵੀਡੀਓ ਮੰਤਰੀ ਦੇ ਦਾਅਵੇ ਅਨੁਸਾਰ ਸੱਚਮੁੱਚ AI ਨਾਲ ਐਡਿਟ ਹੈ ਜਾਂ ਫਿਰ ਮਜੀਠੀਏ ਦਾ ਦਾਅਵਾ ਸੱਚਾ ਹੈ ਕਿਉਂਕਿ ਤਕਨੀਕ ਦੇ ਜ਼ਰੀਏ ਇਹ ਪਤਾ ਲੱਗ ਹੀ ਜਾਵੇਗਾ ਕਿ ਵੀਡੀਓ ਐਡਿਟ ਹੈ ਜਾਂ ਅਸਲੀ ਹੈ। ਮਜੀਠੀਏ ਦੇ ਦਾਅਵੇ ਅਨਸਾਰ ਜੇਕਰ ਮੰਤਰੀ ਵੀ ਇਹ ਵੀਡੀਓ ਬਿਨਾਂ ਐਡਿਟ ਤੋਂ ਹੈ ਤਾਂ ਇਹ ਆਪ ਸਰਕਾਰ ਲਈ ਵੱਡੀ ਸਿਰਦਰਦੀ ਖੜੀ ਕਰ ਸਕਦੀ ਹੈ ਕਿਉਂਕਿ ਇਸ ਤੋਂ ਪਹਿਲਾਂ ਵੀ ਆਪ ਸਰਕਾਰ ਦੇ ਕਈ ਮੰਤਰੀਆਂ ਤੇ ਆਗੂਆਂ ਦੀਆਂ ਇਸ ਤਰ੍ਹਾਂ ਦੀਆਂ ਵੀਡੀਓ ਵਾਇਰਲ ਹੋ ਚੁੱਕੀਆਂ ਹਨ ਜਿੰਨਾਂ ਦੇ ਸਬੰਧੀ ਸਰਕਾਰ ਨੇ ਕੋਈ ਕਾਰਵਾਈ ਨਹੀਂ ਕੀਤੀ। ਇਹ ਵੀਡੀਓ ਮੰਤਰੀ ਰਵਜੋਤ, ਪੰਜਾਬ ਸਰਕਾਰ, ਆਮ ਆਦਮੀ ਪਾਰਟੀ ਲਈ ਤਾਂ ਸਿਰਦਰਦੀ ਖੜੀ ਕਰੇਗੀ ਹੀ ਸਗੋਂ ਲੋਕਾਂ ਨੂੰ ਸਿਆਸੀ ਨੇਤਾਵਾਂ ਦੇ ਕਿਰਦਾਰ ਸਬੰਧੀ ਸੋਚਣ ਲਈ ਵੀ ਮਜ਼ਬੂਰ ਕਰੇਗੀ।
