ਬਰਨਾਲਾ, 19 ਸਤੰਬਰ (ਨਿਰਮਲ ਸਿੰਘ ਪੰਡੋਰੀ) :
ਖੇਡਾਂ ਵਤਨ ਪੰਜਾਬ ਦੀਆਂ ਤਹਿਤ ਕਰਵਾਏ ਜਾ ਰਹੇ ਵੱਖ-ਵੱਖ ਖੇਡਾਂ ਦੇ ਜ਼ਿਲ੍ਹਾ ਪੱਧਰੀ ਮੁਕਾਬਲਿਆਂ ਵਿੱਚ ਖਿਡਾਰੀ ਵੱਧ ਚੜ ਕੇ ਹਿੱਸਾ ਲੈ ਰਹੇ ਹਨ। ਬਰਨਾਲਾ ਦੇ ਮੁਕਾਬਲੇ ਜ਼ਿਲ੍ਹੇ ਭਰ ਦੇ ਅਲੱਗ-ਅਲੱਗ ਸਟੇਡੀਅਮਾਂ ਤੇ ਖੇਡ ਮੈਦਾਨਾਂ ਵਿੱਚ ਕਰਵਾਏ ਜਾ ਰਹੇ ਹਨ। ਜਾਣਕਾਰੀ ਦਿੰਦੇ ਹੋਏ ਜ਼ਿਲ੍ਹਾ ਖੇਡ ਅਫਸਰ ਰਣਬੀਰ ਸਿੰਘ ਭੰਗੂ ਨੇ ਦੱਸਿਆ ਕਿ ਵੇਟ ਲਿਫਟਿੰਗ ਦੇ ਮੁਕਾਬਲੇ ਵੱਖ-ਵੱਖ ਭਾਰ ਵਰਗ ਵਿੱਚ ਕਰਵਾਏ ਗਏ। ਅੰਡਰ-14 ‘ਚ ਭਾਰ ਵਰਗ 35 ਕਿਲੋ ‘ਚ (ਲੜਕੀਆਂ) ਹਰਮਨਦੀਪ ਕੌਰ ਨੇ ਪਹਿਲਾ ਸਥਾਨ ਹਾਸਿਲ ਕੀਤਾ। ਇਸੇ ਤਰਾਂ 40 ਕਿਲੋ ਵਰਗ ‘ਚ ਰਿਪਨਪ੍ਰੀਤ ਕੌਰ, 45 ਕਿਲੋ ਵਰਗ ‘ਚ ਕਮਲਜੀਤ ਕੌਰ, 49 ਕਿਲੋ ਵਰਗ ‘ਚ ਮਨਪ੍ਰੀਤ ਕੌਰ ਅਤੇ 55 ਕਿਲੋ ‘ਚ ਮਨਦੀਪ ਕੌਰ ਨੇ ਪਹਿਲਾ ਸਥਾਨ ਹਾਸਿਲ ਕੀਤਾ । ਹੈਂਡਬਾਲ ਅੰਡਰ-14 ਸਾਲ ਲੜਕਿਆਂ ‘ਚ ਸਰਕਾਰੀ ਹਾਈ ਸਕੂਲ ਜੰਗੀਆਨਾ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ। ਅੰਡਰ-17 ਲੜਕਿਆਂ ‘ਚ ਬੀ.ਜੀ.ਐੱਸ. ਭਦੌੜ, ਅੰਡਰ-21 ‘ਚ ਸ਼ਹਿਣਾ ਬਲਾਕ ਤੋਂ ਬੀ.ਜੀ.ਐੱਸ. ਭਦੌੜ ਅਤੇ 21 ਤੋਂ 40 ਸਾਲ ਪੁਰਸ਼ਾਂ ‘ਚ ਸ਼ਹਿਣਾ ਬਲਾਕ ਨੇ ਪਹਿਲਾ ਸਥਾਨ ਹਾਸਲ ਕੀਤਾ। ਗੱਤਕੇ ਦੇ ਅੰਡਰ-14 ਲੜਕਿਆਂ ਦੇ ਮੁਕਾਬਲੇ ਵੀ ਕਰਵਾਏ ਗਏ। ਫਰੀ ਸੋਟੀ ਵਿਅਕਤੀਗਤ ਮੁਕਾਬਲਿਆਂ ‘ਚ ਬਾਬਾ ਬੰਦਾ ਸਿੰਘ ਬਹਾਦਰ ਗਤਕਾ ਅਖਾੜਾ ਚੰਨਣਵਾਲ ਦੇ ਹਰਮਨਦੀਪ ਸਿੰਘ ਪਹਿਲੇ ਸਥਾਨ ‘ਤੇ ਰਹੇ। ਸਿੰਗਲ ਸੋਟੀ ਵਿਅਕਤੀਗਤ ਮੁਕਾਬਲਿਆਂ ‘ਚ ਮਾਤਾ ਸਾਹਿਬ ਕੌਰ ਅਖਾੜਾ ਬਡਬਰ ਦੇ ਗੁਰਭਿੰਦਰ ਸਿੰਘ ਅਤੇ ਸਿੰਗਲ ਸੋਟੀ ਟੀਮ ‘ਚ ਅਕਾਲ ਅਕੈਡਮੀ ਟੱਲੇਵਾਲ ਪਹਿਲੇ ਨੰਬਰ ‘ਤੇ ਰਹੀ। ਅਥਲੈਟਿਕਸ ‘ਚ ਅੰਡਰ-21 (ਲੜਕਿਆਂ) ‘ਚ 10000 ਮੀ. ਰੇਸ ਵਾਕ ਵਿੱਚ ਅਸ਼ਵਨੀ ਕੁਮਾਰ, 5000 ਮੀ. ‘ਚ ਤਰਸੇਮ ਸਿੰਘ, 800 ਮੀ. ‘ਚ ਗੁਰਪਾਲ ਪਾਂਡੇ ਅਤੇ ਲੰਬੀ ਛਾਲ ਵਿੱਚ ਲੜਕੀਆਂ ‘ਚ ਜਸਬੀਰ ਕੌਰ ਪਹਿਲੇ ਸਥਾਨ ‘ਤੇ ਰਹੀ। ਅਥਲੈਟਿਕਸ ਅੰਡਰ-21 ਲੜਕੀਆਂ ‘ਚ ਸ਼ਾਟਪੁੱਟ ‘ਚ ਹਰਮਨਦੀਪ ਕੌਰ, ਡਿਸਕਸ ਥਰੋਅ ‘ਚ ਹਰਮਨਦੀਪ ਕੌਰ, ਜੈਵਲਿਨ ਥਰੋਅ ‘ਚ ਹਰਮਨਜੋਤ ਕੌਰ ਅਤੇ ਹਿਸ ਉਮਰ ਵਰਗ ‘ਚ ਹੀ ਲੜਕਿਆਂ ਦੇ ਲੰਬੀ ਛਾਲ ਦੇ ਮੁਕਾਬਲੇ ‘ਚ ਗੁਰਪ੍ਰੀਤ ਸਿੰਘ ਪਹਿਲੇ ਨੰਬਰ ‘ਤੇ ਰਹੇ। ਅੰਡਰ-21 ਅਥਲੈਟਿਕਸ ਮੁਕਾਬਲਿਆਂ ( ਲੜਕਿਆਂ ) ‘ਚ ਸ਼ਾਟਪੁੱਟ ‘ਚ ਸੁਖਪਾਲ ਸਿੰਘ, ਡਿਸਕਸ ਥਰੋਅ ‘ਚ ਜਸਪ੍ਰੀਤ ਸਿੰਘ ਅਤੇ ਜੈਵਲਿਨ ਥਰੋਅ ‘ਚ ਹਿਮਾਂਸ਼ੂ ਪਹਿਲੇ ਨੰਬਰ ‘ਤੇ ਰਹੇ।100 ਮੀਟਰ ਦੌੜ ‘ਚ ਰਾਕੇਸ਼ ਕੁਮਾਰ ਅਤੇ 400 ਮੀਟਰ ਦੌੜ ‘ਚ ਕਰਨਵੀਰ ਸਿੰਘ ਅੱਵਲ ਰਹੇ। ਅੰਡਰ-21 ਲੜਕੀਆਂ ਦੇ ਮੁਕਾਬਲੇ ‘ਚ 800 ਮੀ. ‘ਚ ਰਮਨਦੀਪ ਕੌਰ, 100 ਮੀ. ‘ਚ ਹਰਮਨਜੋਤ ਕੌਰ ਅਤੇ 400 ਮੀ. ‘ਚ ਰਚਨਾਪਾਲ ਅੱਵਲ ਰਹੇ।
