ਸੇਵਾਮੁਕਤ ਪਟਵਾਰੀ, ਕਾਨੂੰਨਗੋ ਅਤੇ ਇੱਕ ਪੰਚ ਉੱਪਰ ਬਲਾਤਕਾਰ ਦਾ ਪਰਚਾ
ਮੋਗਾ, 3 ਅਕਤੂਬਰ (ਜ਼ੀ98 ਨਿਊਜ਼ ਸਰਵਿਸ)-ਮੋਗਾ ਜ਼ਿਲ੍ਹੇ ਦੇ ਪਿੰਡ ਨਵਾਂ ਮਾਛੀਕੇ ਦੀ ਇਕ ਔਰਤ ਨੇ ਇਕ ਸੇਵਾਮੁਕਤ ਕਾਨੂੰਨਗੋ, ਸੇਵਾਮੁਕਤ ਪਟਵਾਰੀ ਅਤੇ ਇੱਕ ਪੰਚ ਉੱਪਰ ਬਲਾਤਕਾਰ ਦੇ ਦੋਸ਼ ਲਗਾਏ ਹਨ । ਪੁਲੀਸ ਥਾਣਾ ਨਿਹਾਲਸਿੰਘਵਾਲਾ ਵਿਖੇ ਪੀਡ਼ਤ ਔਰਤ ਦੀ ਸ਼ਿਕਾਇਤ ਉੱਪਰ ਜਬਰ ਜਨਾਹ ਦਾ ਮਾਮਲਾ ਦਰਜ ਕੀਤਾ ਗਿਆ ਹੈ । ਪੁਲੀਸ ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਪੀੜਤ ਔਰਤ ਨੇ ਕਿਹਾ ਹੈ ਕਿ ਪੰਚ ਤਾਰਾ ਸਿੰਘ ਉਸਨੂੰ ਨਿਹਾਲਸਿੰਘਵਾਲਾ ਵਿਖੇ ਇਕ ਸੇਵਾਮੁਕਤ ਪਟਵਾਰੀ ਮਲਕੀਤ ਸਿੰਘ ਦੇ ਘਰ ਲੈ ਕੇ ਗਿਆ ਜਿੱਥੇ ਮਲਕੀਤ ਸਿੰਘ ਅਤੇ ਇੱਕ ਹੋਰ ਸੇਵਾਮੁਕਤ ਕਾਨੂੰਨਗੋ ਕੇਵਲ ਸਿੰਘ ਨੇ ਉਸ ਨਾਲ ਜ਼ਬਰਦਸਤੀ ਸਰੀਰਕ ਸਬੰਧ ਬਣਾਏ। ਪੁਲੀਸ ਨੇ ਸ਼ਿਕਾਇਤ ਦੇ ਆਧਾਰ ‘ਤੇ ਸੇਵਾਮੁਕਤ ਪਟਵਾਰੀ, ਸੇਵਾਮੁਕਤ ਕਾਨੂੰਨਗੋ ਅਤੇ ਪੰਚ ਦੇ ਖਿਲਾਫ ਮਾਮਲਾ ਦਰਜ ਕਰਕੇ ਭਾਲ ਸ਼ੁਰੂ ਕਰ ਦਿੱਤੀ ਹੈ।
ਸਬੰਧਤ ਖਬਰ
