ਚੰਡੀਗੜ੍ਹ, 5 ਅਗਸਤ-ਟਮਾਟਰਾਂ ਤੋਂ ਬਾਅਦ ਹੁਣ ਪਿਆਜ਼ ਲੋਕਾਂ ਦੀਆਂ ਅੱਖਾਂ ‘ਚ ਮਹਿੰਗਾਈ ਦੇ ਅੱਥਰੂ ਲਿਆਉਣ ਲਈ ਤਿਆਰ ਹੈ । ਇੱਕ ਰਿਪੋਰਟ ਅਨੁਸਾਰ ਮੰਗ ਅਤੇ ਸਪਲਾਈ ਦੇ ਅਸੰਤੁਲਨ ਕਾਰਨ ਪਿਆਜ਼ ਦੀਆਂ ਕੀਮਤਾਂ ਪ੍ਰਤੀ ਕਿਲੋਗ੍ਰਾਮ 60 ਤੋਂ 70 ਰੁਪਏ ਤੱਕ ਪਹੁੰਚਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ। ਰਿਪੋਰਟ ਅਨੁਸਾਰ ਮੰਗ ਸਪਲਾਈ ਵਿੱਚ ਅਸੰਤੁਲਨ ਦਾ ਅਸਰ ਅਗਸਤ ਦੇ ਅਖੀਰਲੇ ਦਿਨਾਂ ਚ ਗੰਢਿਆਂ ਦੀਆਂ ਕੀਮਤਾਂ ‘ਤੇ ਪੈਣ ਦੀ ਸੰਭਾਵਨਾ ਹੈ ਅਤੇ ਗੰਢਿਆਂ ਦੀ ਕੀਮਤ ਪ੍ਰਤੀ ਕਿਲੋ 70 ਰੁਪਏ ਤੱਕ ਪੁੱਜ ਸਕਦੀ ਹੈ । ਜ਼ਿਕਰਯੋਗ ਹੈ ਕਿ ਇਸ ਵੇਲੇ ਟਮਾਟਰ ਲਗਭਗ 300 ਰੁਪਏ ਪ੍ਰਤੀ ਕਿਲੋ ਵਿਕ ਰਹੇ ਹਨ, ਜਿਸ ਕਰਕੇ ਟਮਾਟਰ ਆਮ ਘਰਾਂ ਦੀ ਰਸੋਈ ਵਿੱਚੋਂ ਬਿਲਕੁਲ ਦੂਰ ਹੋ ਚੁੱਕੇ ਹਨ ,ਪਰੰਤੂ ਜੇਕਰ ਰਿਪੋਰਟ ਅਨੁਸਾਰ ਪਿਆਜ਼ ਦਾ ਰੇਟ ਵੀ ਵੱਧ ਜਾਂਦਾ ਹੈ ਤਾਂ ਆਮ ਲੋਕਾਂ ਦੀ ਰਸੋਈ ਦਾ ਬਜਟ ਜ਼ਿਆਦਾ ਵਿਗੜੇਗਾ। ਆਮ ਲੋਕਾਂ ਦੀਆਂ ਦਾਲਾਂ-ਸਬਜੀਆਂ ਬਿਨਾਂ “ਤੜਕੇ” ਤੋਂ ਬਣਨਗੀਆਂ ਪਰ ਦੂਜੇ ਪਾਸੇ ਵਧੀ ਹੋਈ ਮਹਿੰਗਾਈ ਕਾਰਨ ਰਾਜਨੀਤੀ ਨੂੰ ‘ਤੜਕਾ’ ਜ਼ਰੂਰ ਲੱਗ ਸਕਦਾ ਹੈ।
Menu
