…ਕੱਲ੍ਹ ਪੁਲਿਸ ਮੁਲਾਜ਼ਮ ਦਾ ਕਤਲ ਕਰਨ ਵਾਲਾ ਗੈਂਗਸਟਰ ਅੱਜ ਐਨਕਾਊਂਟਰ ‘ਚ ਮਾਰਿਆ ਗਿਆ

ਚੰਡੀਗੜ੍ਹ,18 ਮਾਰਚ, Gee98 news service
-ਜ਼ਿਲ੍ਹਾ ਹੁਸ਼ਿਆਰਪੁਰ ਦੇ ਕਸਬਾ ਮੁਕੇਰੀਆਂ ਨੇੜੇ ਇੱਕ ਪੁਲਿਸ ਮੁਲਾਜ਼ਮ ਦਾ ਕਤਲ ਕਰਨ ਵਾਲਾ ਗੈਂਗਸਟਰ ਰਾਣਾ ਮਨਸੂਰਪੁਰੀਆ ਪੁਲਿਸ ਐਨਕਾਊਂਟਰ ਵਿੱਚ ਮਾਰਿਆ ਗਿਆ। ‌ਰਾਣਾ ਮਨਸੂਰਪੁਰੀਆ ਨੇ ਬੀਤੇ ਕੱਲ੍ਹ ਸੀਆਈਏ ਸਟਾਫ਼ ਦੀ ਟੀਮ ‘ਤੇ ਉਸ ਵੇਲੇ ਗੋਲੀ ਚਲਾ ਦਿੱਤੀ ਸੀ ਜਦ ਟੀਮ ਉਸ ਨੂੰ ਗ੍ਰਿਫ਼ਤਾਰ ਕਰਨ ਗਈ ਸੀ, ਇਸ ਗੋਲੀਬਾਰੀ ਨਾਲ ਇੱਕ ਪੁਲਿਸ ਮੁਲਾਜ਼ਮ ਕਾਂਸਟੇਬਲ ਅੰਮ੍ਰਿਤਪਾਲ ਸਿੰਘ ਸ਼ਹੀਦ ਹੋ ਗਿਆ ਸੀ। ਕੱਲ੍ਹ ਤੋਂ ਹੀ ਪੁਲਿਸ ਦੀਆਂ ਵੱਖ ਵੱਖ ਟੀਮਾਂ ਰਾਣਾ ਮਨਸੂਰਪੁਰੀਆ ਦਾ ਪਿੱਛਾ ਕਰ ਰਹੀਆਂ ਸਨ। ‌ਜਿਸ ਸਬੰਧੀ ਅੱਜ ਪੁਲਿਸ ਨੂੰ ਅੱਪਡੇਟ ਮਿਲੀ ਕਿ ਰਾਣਾ ਮਨਸੂਰਪੁਰੀਆ ਭੰਗਾਲਾ ਖੇਤਰ ਵਿੱਚ ਹੈ, ਪਿੱਛਾ ਕਰਦੇ ਹੋਏ ਪੁਲਿਸ ਨੇ ਉਸ ਨੂੰ ਇੱਕ ਪੈਟਰੋਲ ਪੰਪ ‘ਤੇ ਤੇਲ ਪਵਾਉਂਦੇ ਹੋਏ ਘੇਰਿਆ। ਸੂਤਰਾਂ ਅਨੁਸਾਰ ਰਾਣਾ ਮਨਸੂਰਪੁਰੀਆ ਪੁਲਿਸ ਨੂੰ ਵੇਖ ਕੇ ਪੈਟਰੋਲ ਪੰਪ ਤੋਂ ਭੱਜਿਆ ਤੇ ਕਸਬਾ ਭੰਗਾਲਾ ਦੇ ਅਮਨ ਪੈਲੇਸ ਦੇ ਨੇੜੇ ਇੱਕ ਸੁੰਨਸਾਨ ਜਗ੍ਹਾ ‘ਤੇ ਪੁਲਿਸ ਨੇ ਉਸ ਨੂੰ ਘੇਰਾ ਪਾਇਆ ਤੇ ਇਸ ਦੌਰਾਨ ਗੋਲੀਬਾਰੀ ਵਿੱਚ ਰਾਣਾ ਮਨਸੂਰਪੁਰੀਆ ਢੇਰ ਹੋ ਗਿਆ।
ਫੋਟੋ ਕੈਪਸ਼ਨ-ਐਨਕਾਊਂਟਰ ਤੋਂ ਬਾਅਦ ਗੈਂਗਸਟਰ ਰਾਣਾ ਮਨਸੂਰਪੁਰੀਆ ਦੀ ਲਾਸ਼ ਨੂੰ ਲਿਜਾਂਦੀ ਹੋਈ ਪੁਲਿਸ ਪਾਰਟੀ ਅਤੇ ਇਨਸੈਟ ਉਸ ਦੀ ਫਾਈਲ ਫੋਟੋ