ਚੰਡੀਗੜ੍ਹ 11 ਫਰਵਰੀ 2026, Gee98 News service-
-ਪੰਜਾਬ ਯੂਨੀਵਰਸਿਟੀ ਨੇ ਅਜਿਹੇ ਵਿਦਿਆਰਥੀਆਂ ਨੂੰ ਆਪਣੀ ਡਿਗਰੀ ਪੂਰੀ ਕਰਨ ਦਾ “ਗੋਲਡਨ ਚਾਂਸ” ਦਿੱਤਾ ਹੈ ਜਿਹੜੇ ਰੀ-ਅਪੀਅਰ ਜਾਂ ਕਿਸੇ ਹੋਰ ਕਾਰਨ ਕਰਕੇ ਆਪਣੀ ਡਿਗਰੀ ਦੀ ਪੜ੍ਹਾਈ ਪੂਰੀ ਨਹੀਂ ਕਰ ਸਕੇ। ਜਿਨਾਂ ਵਿਦਿਆਰਥੀਆਂ ਕੋਲ ਰੀਅਪੀਅਰ ਦਾ ਵੀ ਕੋਈ ਮੌਕਾ ਨਹੀਂ ਬਚਿਆ ਉਹ ਪੰਜਾਬ ਯੂਨੀਵਰਸਿਟੀ ਵੱਲੋਂ ਦਿੱਤੇ ਇਸ ਗੋਲਡਨ ਚਾਂਸ ਦਾ ਲਾਭ ਉਠਾ ਸਕਦੇ ਹਨ। ਅਜਿਹੇ ਵਿਦਿਆਰਥੀ ਰੀਅਪੀਅਰ/ਕੰਪਾਰਟਮੈਂਟ, ਪੂਰੇ ਵਿਸ਼ਿਆਂ ਲਈ, ਨੰਬਰ ਸਧਾਰਨ ਲਈ, ਵਾਧੂ ਵਿਸ਼ੇ ਲਈ ਜਾਂ ਰਹਿ ਚੁੱਕੇ ਪ੍ਰੈਕਟੀਕਲ ਲਈ ਇਸ ਗੋਲਡਨ ਚਾਂਸ ਤਹਿਤ ਅਪਲਾਈ ਕਰ ਸਕਦੇ ਹਨ। ਪੰਜਾਬ ਯੂਨੀਵਰਸਿਟੀ ਨੇ ਅਜਿਹੇ ਵਿਦਿਆਰਥੀਆਂ ਨੂੰ 12 ਫਰਵਰੀ ਤੋਂ ਲੈ ਕੇ 11 ਮਾਰਚ ਤੱਕ ਅਪਲਾਈ ਕਰਨ ਦਾ ਮੌਕਾ ਦਿੱਤਾ ਹੈ। ਇਹਨਾਂ ਵਿਦਿਆਰਥੀਆਂ ਦੀਆਂ ਇਹ ਪ੍ਰੀਖਿਆਵਾਂ ਅਪ੍ਰੈਲ-ਮਈ 2026 ਵਿੱਚ ਕਰਵਾਈਆਂ ਜਾਣਗੀਆਂ। ਇਹ ਗੋਲਡਨ ਚਾਂਸ UG,PG ਅਤੇ ਪ੍ਰੋਫੈਸ਼ਨਲ ਕੋਰਸਾਂ ਦੇ ਉਹਨਾਂ ਵਿਦਿਆਰਥੀਆਂ ਲਈ ਹੈ ਜੋ ਨਿਰਧਾਰਿਤ ਸਮੇਂ ਵਿੱਚ ਆਪਣੀ ਡਿਗਰੀ ਪੂਰੀ ਨਹੀਂ ਕਰ ਸਕੇ। ਯੂਨੀਵਰਸਿਟੀ ਪ੍ਰਬੰਧਨ ਵੱਲੋਂ ਦਿੱਤੀ ਜਾਣਕਾਰੀ ਅਨੁਸਾਰ UG ਕੋਰਸ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਇਹ ਮੌਕਾ 2014 ਅਤੇ ਉਸ ਤੋਂ ਬਾਅਦ ਦਾਖਲ ਹੋਣ ਵਾਲਿਆਂ ਨੂੰ ਮਿਲੇਗਾ ਜਦ ਕਿ PG ਅਤੇ ਪ੍ਰੋਫੈਸਨਲ ਕੋਰਸ ਕਰਨ ਵਾਲੇ ਵਿਦਿਆਰਥੀਆਂ ਲਈ ਇਹ ਗੋਲਡਨ ਚਾਂਸ 2011 ਜਾਂ ਉਸ ਤੋਂ ਬਾਅਦ ਦਾਖਲਾ ਲੈਣ ਵਾਲੇ ਵਿਦਿਆਰਥੀਆਂ ਲਈ ਹੋਵੇਗਾ। ਇਸ ਗੋਲਡਨ ਚਾਂਸ ਲਈ ਜੇਕਰ ਫੀਸ ਦੀ ਗੱਲ ਕੀਤੀ ਜਾਵੇ ਤਾਂ UG ਪਾਠਕ੍ਰਮਾਂ ਦੇ ਲਈ ਪ੍ਰਤੀ ਸਮੈਸਟਰ 7500 ਅਤੇ PG ਤੇ ਪ੍ਰੋਫੈਸ਼ਨਲ ਪਾਠਕ੍ਰਮਾਂ ਲਈ ਪ੍ਰਤੀ ਸਮੈਸਟਰ 15000 ਫੀਸ ਰੱਖੀ ਗਈ ਹੈ ਜਦਕਿ ਅਨੁਸੂਚਿਤ ਜਾਤੀ ਅਤੇ ਅਨੁਸੂਚਿਤ ਜਨਜਾਤੀ ਦੇ ਵਿਦਿਆਰਥੀਆਂ ਲਈ ਫੀਸ ਵਿੱਚ 50 ਫ਼ੀਸਦੀ ਦੀ ਛੋਟ ਦਿੱਤੀ ਗਈ ਹੈ। ਇਸ ਗੋਲਡਨ ਚਾਂਸ ਤਹਿਤ ਪੇਪਰ ਦੇਣ ਵਾਲੇ ਵਿਦਿਆਰਥੀ ਸਿਰਫ਼ ਆਨਲਾਈਨ ਹੀ ਅਪਲਾਈ ਕਰ ਸਕਣਗੇ। PG ਪਾਠਕ੍ਰਮਾਂ ਦੇ ਲਈ ਅਪਲਾਈ ਪੋਰਟਲ ugexam.puexam.in ਹੋਵੇਗਾ ਜਦਕਿ PGਅਤੇ ਪ੍ਰੋਫੈਸ਼ਨਲ ਪਾਠਕ੍ਰਮਾਂ ਦੇ ਲਈ ਅਪਲਾਈ ਪੋਰਟਲ pgexam.puexam.in
ਹੋਵੇਗਾ ਜੋ 12 ਫਰਵਰੀ 2026 ਤੋਂ ਲੈ ਕੇ 11 ਮਾਰਚ 2026 ਤੱਕ ਖੁੱਲਾ ਰਹੇਗਾ।
