ਚੰਡੀਗੜ੍ਹ,2 ਮਾਰਚ, Gee98 news service-
ਜਿਵੇਂ ਭਾਰਤ ਦੇ ਬਾਜ਼ਾਰਾਂ ਵਿੱਚ ਚੀਨ ਵਿੱਚ ਬਣਿਆ ਸਮਾਨ ਵੇਚਣ ਵੇਲੇ ਦੁਕਾਨਦਾਰ ਗਾਹਕ ਨੂੰ ਕੋਈ ਗਰੰਟੀ ਨਹੀਂ ਦਿੰਦੇ ਕਿ ਇਸ ਦਾ ਕੋਈ ਭਰੋਸਾ ਨਹੀਂ ਉਸੇ ਤਰ੍ਹਾਂ ਚੀਨ ਤੋਂ ਖਰੀਦੀ ਮਿਜ਼ਾਇਲ ਰੱਖਿਆ ਪ੍ਰਣਾਲੀ ਈਰਾਨ ਲਈ ਬੇਭਰੋਸਗੀ ਵਾਲੀ ਨਿਕਲੀ। ਈਰਾਨ ਉੱਪਰ ਅਮਰੀਕਾ ਇਜਰਾਇਲ ਦੇ ਹਮਲੇ ਨੇ ਇਹ ਗੱਲ ਹੋਰ ਪੱਕੀ ਤੇ ਸੱਚੀ ਕਰ ਦਿੱਤੀ ਹੈ ਕਿ ਚੀਨੀ ਸਾਮਾਨ ‘ਤੇ ਕੋਈ ਭਰੋਸਾ ਨਹੀਂ ਕੀਤਾ ਜਾ ਸਕਦਾ। ਇਹ ਸਿਰਫ ਰੋਜ਼ਾਨਾ ਦੀਆਂ ਵਰਤੋਂ ਵਾਲੀਆਂ ਚੀਜ਼ਾਂ ਲਈ ਹੀ ਨਹੀਂ, ਬਲਕਿ ਮਿਜ਼ਾਈਲ ਅਤੇ ਡਿਫੈਂਸ ਸਿਸਟਮ ਲਈ ਵੀ ਢੁਕਵਾਂ ਹੈ, ਜਿਵੇਂ ਕਿ ਆਪਰੇਸ਼ਨ ਸਿੰਧੂਰ ਦੌਰਾਨ ਚੀਨੀ ਮਿਜ਼ਾਇਲ ਸਿਸਟਮ ਅਤੇ ਹਥਿਆਰਾਂ ‘ਤੇ ਭਰੋਸਾ ਕਰਨਾ ਪਾਕਿਸਤਾਨ ਲਈ ਮਹਿੰਗਾ ਸਾਬਿਤ ਹੋਇਆ ਸੀ। ਉਸੇ ਤਰ੍ਹਾਂ ਵਰਤਮਾਨ ਸਮੇਂ ‘ਚ ਈਰਾਨ ਨੂੰ ਵੀ ਪਛਤਾਉਣਾ ਪੈ ਰਿਹਾ ਹੈ ਕਿਉਂਕਿ ਈਰਾਨ, ਇਜ਼ਰਾਈਲ ਅਤੇ ਅਮਰੀਕਾ ਦੇ ਹਮਲਿਆਂ ਤੋਂ ਆਪਣੀ ਸੁਰੱਖਿਆ ਕਰਨ ‘ਚ ਸਫਲ ਨਹੀਂ ਰਿਹਾ। ਦੱਸ ਦੇਈਏ ਕਿ ਈਰਾਨ ਨੇ ਚੀਨ ਨਾਲ ਤੇਲ ਦੇ ਬਦਲੇ ਹਥਿਆਰਾਂ ਦੇ ਸੌਦੇ ਦੇ ਤਹਿਤ ਐੱਚਕਿਊ-9ਬੀ ਮਿਜ਼ਾਈਲ ਸਿਸਟਮ ਦੀ ਖਰੀਦ ਕੀਤੀ ਸੀ। ਇੰਟਰਨੈਟ ਮੀਡੀਆ ‘ਤੇ ਆਈਆਂ ਖ਼ਬਰਾਂ ਦੇ ਅਨੁਸਾਰ, ਅਮਰੀਕਾ ਅਤੇ ਇਜ਼ਰਾਈਲ ਵੱਲੋਂ ਕੀਤੇ ਹਵਾਈ ਹਮਲਿਆਂ ‘ਚ ਈਰਾਨ ਦੇ ਸ਼ਹਿਰਾਂ ‘ਚ ਹੋਈ ਭਾਰੀ ਤਬਾਹੀ ਨੇ ਤਹਿਰਾਨ ਦੀ ਹਵਾਈ ਰੱਖਿਆ ਪ੍ਰਣਾਲੀ ਦੀ ਹਮਲਿਆਂ ਨੂੰ ਰੋਕਣ ‘ਚ ਨਾਕਾਮੀ ਨੂੰ ਜ਼ਾਹਿਰ ਕੀਤਾ ਹੈ। ਈਰਾਨ ਨੇ ਹਾਲ ਹੀ ‘ਚ ਆਪਣੇ ਹਥਿਆਰਾਂ ਨੂੰ ਮਜ਼ਬੂਤ ਕਰਨ ਲਈ ਚੀਨ ਤੋਂ ਐੱਚਕਿਊ-9ਬੀ ਹਵਾਈ ਰੱਖਿਆ ਪ੍ਰਣਾਲੀ ਖ਼ਰੀਦੀ ਸੀ, ਪਰ ਇਹ ਆਪਣੇ ਮਕਸਦ ‘ਚ ਅਸਫਲ ਸਾਬਤ ਹੋਈ ਹੈ। ਇਸ ਤੋਂ ਪਹਿਲਾਂ, ਜਦੋਂ ਭਾਰਤ ਨੇ ਆਪਰੇਸ਼ਨ ਸਿੰਧੂਰ ਸ਼ੁਰੂ ਕੀਤਾ ਸੀ, ਤਦ ਵੀ ਇਹ ਪਾਕਿਸਤਾਨ ‘ਚ ਕਾਫ਼ੀ ਸੁਰੱਖਿਆ ਪ੍ਰਦਾਨ ਨਹੀਂ ਕਰ ਸਕੀ ਸੀ।
ਕੀ ਹੈ ਐੱਚਕਿਊ-9ਬੀ ਹਵਾਈ ਰੱਖਿਆ ਪ੍ਰਣਾਲੀ
ਚੀਨ ਏਰੋਸਪੇਸ ਸਾਇੰਸ ਐਂਡ ਇੰਡਸਟਰੀ ਕਾਰਪੋਰੇਸ਼ਨ ਦੁਆਰਾ ਵਿਕਸਿਤ ਐੱਚਕਿਊ-9ਬੀ, ਰੂਸੀ ਐੱਸ-300ਪੀਐੱਮਯੂ ਅਤੇ ਅਮਰੀਕੀ ਪੈਟਰੀਅਟ ਪੀਏਸੀ-2 ਪ੍ਰਣਾਲੀਆਂ ਤੋਂ ਪ੍ਰੇਰਿਤ ਹੈ ਪਰ ਇਹ ਪੂਰੀ ਤਰ੍ਹਾਂ ਦੇਸ਼ੀ ਹਵਾਈ ਰੱਖਿਆ ਪ੍ਰਣਾਲੀ ਵਜੋਂ ਵਿਕਸਿਤ ਕੀਤੀ ਗਈ ਹੈ। ਇਸ ਦਾ ਪਹਿਲਾ ਟੈਸਟ 2006 ‘ਚ ਕੀਤਾ ਗਿਆ ਸੀ। ਦਾਅਵਾ ਕੀਤਾ ਜਾਂਦਾ ਹੈ ਕਿ ਇਸ ਦੀ ਮਾਰਕ ਸਮਰੱਥਾ 260 ਕਿਮੀ ਹੈ ਅਤੇ ਇਹ 50 ਕਿਮੀ ਦੀ ਉਚਾਈ ਤੱਕ ਸਥਿਤ ਮਿਜ਼ਾਈਲਾਂ ਨੂੰ ਮਾਰ ਸਕਦੀ ਹੈ। ਰਿਪੋਰਟਾਂ ਦੇ ਮੁਤਾਬਕ, ਐੱਚਕਿਊ-9ਬੀ ਇਕ ਵਾਰੀ 6-8 ਲਕਸ਼ਾਂ ਨੂੰ ਨਿਸ਼ਾਨਾ ਬਣਾ ਸਕਦੀ ਹੈ ਅਤੇ 100 ਤੱਕ ਟੀਚਿਆਂ ਨੂੰ ਟ੍ਰੈਕ ਕਰ ਸਕਦੀ ਹੈ ਪਰੰਤੂ ਪਹਿਲਾਂ ਆਪਰੇਸ਼ਨ ਸਿੰਧੂਰ ਮੌਕੇ ਪਾਕਿਸਤਾਨ ਅਤੇ ਹੁਣ ਈਰਾਨ ਨੂੰ ਚੀਨ ਵੀ ਇਸ ਰੱਖਿਆ ਪ੍ਰਣਾਲੀ ਨੇ ਧੋਖਾ ਦਿੱਤਾ।
