ਚੰਡੀਗੜ੍ਹ,30 ਦਸੰਬਰ, Gee98 news service
-ਭਾਰਤੀ ਰਿਜਰਵ ਬੈਂਕ ਨੇ UPI ਰਾਹੀਂ ਪੈਸਿਆਂ ਦਾ ਭੁਗਤਾਨ ਕਰਨ ਸਬੰਧੀ ਨਿਯਮਾਂ ‘ਚ ਤਬਦੀਲੀ ਕੀਤੀ ਹੈ। ਰਿਜਰਵ ਬੈਂਕ ਦੀ ਇਹ ਤਬਦੀਲੀ ਉਨਾਂ ਮੋਬਾਇਲ ਖਪਤਕਾਰਾਂ ਲਈ ਲਾਹੇਵੰਦ ਹੈ ਜਿਨਾਂ ਕੋਲ ਸਮਾਰਟਫੋਨ ਨਹੀਂ ਪਰ ਉਹ ਪੁਰਾਣਾ ਬਟਨਾਂ ਵਾਲਾ ਫੀਚਰ ਫੋਨ ਵਰਤ ਰਹੇ ਹਨ। ਨਵੇਂ ਨਿਯਮਾਂ ਅਨੁਸਾਰ ਹੁਣ UPI 123Pay ਦੀ ਵਰਤੋਂ ਕਰਕੇ 10,000 ਰੁਪਏ ਤੱਕ ਦਾ UPI ਭੁਗਤਾਨ ਕੀਤਾ ਜਾ ਸਕਦਾ ਹੈ। ਇਹ ਸਹੂਲਤ 1 ਜਨਵਰੀ 2025 ਤੋਂ ਸ਼ੁਰੂ ਹੋਵੇਗੀ। ਪਹਿਲਾਂ ਇਹ ਸੀਮਾ 5 ਹਜ਼ਾਰ ਰੁਪਏ ਸੀ। UPI 123Pay ਫੀਚਰ ਫੋਨ ਉਪਭੋਗਤਾਵਾਂ ਅਤੇ ਸੀਮਤ ਜਾਂ ਬਿਨਾਂ ਇੰਟਰਨੈਟ ਕਨੈਕਟੀਵਿਟੀ ਵਾਲੇ ਉਪਭੋਗਤਾਵਾਂ ਲਈ ਇੱਕ ਤਤਕਾਲ ਭੁਗਤਾਨ ਪ੍ਰਣਾਲੀ ਹੈ। ਇਸ ਦੇ ਜ਼ਰੀਏ ਅਜਿਹੇ ਯੂਜ਼ਰਸ ਆਸਾਨੀ ਨਾਲ UPI ਪੇਮੈਂਟ ਕਰ ਸਕਦੇ ਹਨ। UPI ਸੁਵਿਧਾ ਸਾਲ 2016 ਵਿੱਚ ਸ਼ੁਰੂ ਕੀਤੀ ਗਈ ਸੀ ਤੁਹਾਨੂੰ ਦੱਸ ਦੇਈਏ ਕਿ ਯੂਨੀਫਾਈਡ ਪੇਮੈਂਟਸ ਇੰਟਰਫੇਸ ਯਾਨੀ UPI ਇੱਕ ਰੀਅਲ ਟਾਈਮ ਪੇਮੈਂਟ ਸਿਸਟਮ ਹੈ। UPI ਭੁਗਤਾਨ ਪ੍ਰਣਾਲੀ ਸਾਲ 2016 ਵਿੱਚ ਸ਼ੁਰੂ ਕੀਤੀ ਗਈ ਸੀ। UPI ਸਿਸਟਮ ਨੈਸ਼ਨਲ ਪੇਮੈਂਟ ਕਾਰਪੋਰੇਸ਼ਨ ਆਫ ਇੰਡੀਆ (NPCI) ਦੁਆਰਾ ਚਲਾਇਆ ਜਾਂਦਾ ਹੈ। ਵਿੱਤ ਮੰਤਰਾਲੇ ਦੁਆਰਾ ਹਾਲ ਹੀ ਵਿੱਚ ਦਿੱਤੀ ਗਈ ਜਾਣਕਾਰੀ ਦੇ ਅਨੁਸਾਰ, ਇਸ ਸਾਲ ਜਨਵਰੀ ਤੋਂ ਨਵੰਬਰ ਤੱਕ ਯੂਪੀਆਈ ਪ੍ਰਣਾਲੀ ਦੇ ਜ਼ਰੀਏ 223 ਲੱਖ ਕਰੋੜ ਰੁਪਏ ਦੇ 15,547 ਕਰੋੜ ਤੋਂ ਵੱਧ ਲੈਣ-ਦੇਣ ਕੀਤੇ ਗਏ ਹਨ।
