ਚੰਡੀਗੜ੍ਹ,8 ਅਪ੍ਰੈਲ, Gee98 News service
-Meta ਦੀ ਮਲਕੀਅਤ ਵਾਲੀ whatsapp ਇੱਕ ਅਜਿਹੇ ਫੀਚਰ ‘ਤੇ ਕੰਮ ਕਰ ਰਹੀ ਹੈ ਜਿਸ ਤਹਿਤ ਤੁਹਾਡੀ ਇਜਾਜ਼ਤ ਤੋਂ ਬਿਨਾਂ ਤੁਹਾਡੇ ਵੱਲੋਂ ਭੇਜੀ ਗਈ ਫੋਟੋ ਜਾਂ ਵੀਡੀਓ ਨੂੰ ਦੇਖਣ ਵਾਲਾ ਆਪਣੇ ਫੋਨ ਦੀ ਗੈਲਰੀ ਵਿੱਚ save ਨਹੀਂ ਕਰ ਸਕੇਗਾ। WhatsApp ਦੇ 3.5 ਅਰਬ ਤੋਂ ਜ਼ਿਆਦਾ ਯੂਜ਼ਰਸ ਹਨ। WhatsApp ਯੂਜ਼ਰਸ ਦੀ ਪ੍ਰਾਈਵੇਸੀ ਨੂੰ ਹੋਰ ਮਜ਼ਬੂਤ ਕਰਨ ਦੀ ਦਿਸ਼ਾ ‘ਚ ਇਹ ਵੱਡਾ ਕਦਮ ਚੁੱਕਣ ਜਾ ਰਿਹਾ ਹੈ। ਇਹ ਅਪਡੇਟ ਖਾਸ ਤੌਰ ‘ਤੇ ਮੀਡੀਆ ਫਾਈਲਾਂ ਦੀ ਸੁਰੱਖਿਆ ਅਤੇ ਉਪਭੋਗਤਾਵਾਂ ਦੀ ਨਿੱਜਤਾ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਤਿਆਰ ਕੀਤਾ ਜਾ ਰਿਹਾ ਹੈ। ਇਸ ਆਉਣ ਵਾਲੇ ਅਪਡੇਟ ਦੇ ਜ਼ਰੀਏ ਯੂਜ਼ਰਸ ਇਹ ਫ਼ੈੈਸਲਾ ਕਰ ਸਕਣਗੇ ਕਿ ਭੇਜੀ ਗਈ ਫੋਟੋ ਜਾਂ ਵੀਡੀਓ ਰਿਸੀਵਰ ਦੇ ਫੋਨ ‘ਚ save ਹੋਵੇਗੀ ਜਾਂ ਨਹੀਂ। ਇਸ ਨਵੇਂ ਫੀਚਰ ਤੋਂ ਬਾਅਦ ਜਦੋਂ ਤੁਸੀਂ ਕਿਸੇ ਨੂੰ ਫੋਟੋ ਜਾਂ ਵੀਡੀਓ ਭੇਜੋਗੇ ਤਾਂ ਉਹ ਸਿਰਫ ਇਸ ਨੂੰ ਦੇਖ ਸਕੇਗਾ ਪਰ ਇਸ ਨੂੰ ਗੈਲਰੀ ਜਾਂ ਫਾਈਲ ਮੈਨੇਜਰ ‘ਚ save ਨਹੀਂ ਕਰ ਸਕੇਗਾ। ਇਹ ਵਿਸ਼ੇਸ਼ਤਾ ਉਨ੍ਹਾਂ ਲੋਕਾਂ ਲਈ ਖਾਸ ਤੌਰ ‘ਤੇ ਲਾਭਦਾਇਕ ਹੋਵੇਗੀ ਜੋ ਸੰਵੇਦਨਸ਼ੀਲ ਜਾਂ ਨਿੱਜੀ ਸਮੱਗਰੀ ਨੂੰ ਸਾਂਝਾ ਕਰਦੇ ਹਨ ਅਤੇ ਚਾਹੁੰਦੇ ਹਨ ਕਿ ਇਹ ਸਿਰਫ ਦੇਖਣ ਤੱਕ ਸੀਮਤ ਰਹੇ। ਹੁਣ ਤੱਕ whatsapp ‘ਤੇ ਭੇਜੀ ਗਈ ਕੋਈ ਵੀ ਫੋਟੋ ਜਾਂ ਵੀਡੀਓ ਆਪਣੇ ਆਪ ਰਿਸੀਵਰ ਦੇ ਫੋਨ ‘ਚ save ਹੋ ਜਾਂਦੀ ਸੀ। ਇਸ ਕਾਰਨ ਯੂਜ਼ਰਸ ਇਹ ਚਿੰਤਾ ਰਹਿੰਦੀ ਸੀ ਤੇ ਉਸਦਾ ਡਾਟਾ ਗਲਤ ਹੱਥਾਂ ਵਿੱਚ ਨਾ ਜਾਵੇ। ਹੁਣ whatsapp ਇਸ ਚਿੰਤਾ ਨੂੰ ਦੂਰ ਕਰਨ ਲਈ ਇਹ ਨਵਾਂ ਬਦਲ ਲੈ ਕੇ ਆ ਰਿਹਾ ਹੈ। ਇਸ ਅਪਡੇਟ ਤੋਂ ਬਾਅਦ ਫੋਟੋ ਜਾਂ ਵੀਡੀਓ ਭੇਜਣ ਤੋਂ ਪਹਿਲਾਂ ਯੂਜ਼ਰ ਇਹ ਫ਼ੈਸਲਾ ਕਰ ਸਕੇਗਾ ਕਿ ਫਾਈਲ ਰਿਸੀਵਰ ਦੇ ਫੋਨ ‘ਚ save ਹੈ ਜਾਂ ਨਹੀਂ। ਇਸ ਦੇ ਲਈ on/off ਟੌਗਲ ਬਟਨ ਦਿੱਤਾ ਜਾਵੇਗਾ, ਜੋ ‘ਡਿਸਪਲੋਅਰਿੰਗ ਮੈਸੇਜ’ ਫੀਚਰ ਦੀ ਤਰ੍ਹਾਂ ਕੰਮ ਕਰੇਗਾ, ਭੇਜਣ ਵਾਲੇ ਦਾ ਇਸ ਗੱਲ ‘ਤੇ ਕੰਟਰੋਲ ਹੋਵੇਗਾ ਕਿ ਮੀਡੀਆ ਰਿਸੀਵਰ ਦੇ ਡਿਵਾਈਸ ‘ਚ ਸਟੋਰ ਕੀਤਾ ਗਿਆ ਹੈ ਜਾਂ ਸਿਰਫ ਦੇਖਿਆ ਗਿਆ ਹੈ। ਖਾਸ ਗੱਲ ਇਹ ਹੈ ਕਿ ਇਹ ਨਵਾਂ ਫੀਚਰ ਸਿਰਫ ਫੋਟੋਆਂ ਅਤੇ ਵੀਡੀਓ ਤੱਕ ਹੀ ਸੀਮਿਤ ਨਹੀਂ ਹੋਵੇਗਾ। WhatsApp ਭਵਿੱਖ ‘ਚ ਇਸ ਨੂੰ ਟੈਕਸਟ ਮੈਸੇਜ ‘ਚ ਵੀ ਲਾਗੂ ਕਰ ਸਕਦਾ ਹੈ, ਜਿਸ ਨਾਲ ਚੈਟਿੰਗ ਵੀ ਜ਼ਿਆਦਾ ਪ੍ਰਾਈਵੇਟ ਹੋ ਜਾਵੇਗੀ। ਇਹ ਫੀਚਰ ਉਨ੍ਹਾਂ ਯੂਜ਼ਰਸ ਲਈ ਕਿਸੇ ਵਰਦਾਨ ਤੋਂ ਘੱਟ ਨਹੀਂ ਹੋਵੇਗਾ ਜੋ ਆਪਣੀ ਪ੍ਰਾਈਵੇਸੀ ਨੂੰ ਲੈ ਕੇ ਬਹੁਤ ਸਾਵਧਾਨ ਰਹਿੰਦੇ ਹਨ। ਇਸ ਫੀਚਰ ਨੂੰ ਡਾਟਾ ਸੇਫਟੀ ਅਤੇ ਯੂਜ਼ਰ ਕੰਟਰੋਲ ਦੇ ਮਾਮਲੇ ‘ਚ whatsapp ਦੀ ਸਭ ਤੋਂ ਵੱਡੀ ਪਹਿਲ ਮੰਨਿਆ ਜਾ ਸਕਦਾ ਹੈ, ਜੋ ਜਲਦੀ ਹੀ ਲਾਗੂ ਹੋ ਜਾਵੇਗੀ।
ਸਬੰਧਤ ਖਬਰ
