ਬਰਨਾਲਾ, 21 ਸਤੰਬਰ (ਨਿਰਮਲ ਸਿੰਘ ਪੰਡੋਰੀ) :
ਪੰਜਾਬ ਸਰਕਾਰ ਵੱਲੋਂ ਕਰਵਾਈਆਂ ਜਾ ਰਹੀਆਂ ‘ਖੇਡਾਂ ਵਤਨ ਪੰਜਾਬ ਦੀਆਂ’ ਤਹਿਤ ਬਰਨਾਲਾ ’ਚ ਜ਼ਿਲਾ ਪੱਧਰੀ ਮੁਕਾਬਲੇ ਜਾਰੀ ਹਨ। ਇਸ ਤਹਿਤ ਅਥਲੈਟਿਕਸ ਵਿਚ 21 ਤੋਂ 40 ਉਮਰ ਵਰਗ ਮਹਿਲਾ ’ਚ 5000 ਮੀਟਰ ਦੌੜ ’ਚ ਕੁਲਵਿੰਦਰ ਕੌਰ ਨੇ ਪਹਿਲਾ ਸਥਾਨ ਹਾਸਲ ਕੀਤਾ। 800 ਮੀਟਰ ਦੌੜ ’ਚ ਰਿੰਪੀ ਕੌਰ ਤੇ 400 ਮੀਟਰ ’ਚ ਪੂਜਾ ਨੇ ਪਹਿਲਾ ਸਥਾਨ ਹਾਸਲ ਕੀਤਾ। 21 ਤੋਂ 40 ਸਾਲ ਉਮਰ ਵਰਗ ਪੁਰਸ਼ ਸ਼੍ਰੇਣੀ ’ਚ ਲੰਬੀ ਛਾਲ ਵਿਚ ਜੇਜੀ ਸਿੰਘ ਨੇ ਪਹਿਲਾ ਸਥਾਨ ਹਾਸਲ ਕੀਤਾ। 5000 ਮੀਟਰ ਦੌੜ ’ਚ ਵਿੱਕੀ ਸਿੰਘ ਨੇ ਪਹਿਲਾ, 800 ਮੀਟਰ ’ਚ ਜਸਪ੍ਰੀਤ ਸਿੰਘ ਤੇ 100 ਮੀਟਰ ’ਚ ਜਸਕਰਨ ਸਿੰਘ ਨੇ ਪਹਿਲਾ ਸਥਾਨ ਹਾਸਲ ਕੀਤਾ। 21 ਤੋਂ 40 ਸਾਲ ਮਹਿਲਾ ਵਰਗ ’ਚ ਲੰਬੀ ਛਾਲ ’ਚ ਹਰਦੀਪ ਕੌਰ ਨੇ ਪਹਿਲਾ ਸਥਾਨ ਹਾਸਲ ਕੀਤਾ। 21 ਤੋਂ 40 ਉਮਰ ਵਰਗ ਸ਼ਾਟਪੁਟ ’ਚ ਮਨਜੀਤ ਕੌਰ ਨੇ ਪਹਿਲਾ, ਡਿਸਕਸ ਥ੍ਰੋਅ ’ਚ ਅਮਰਜੀਤ ਕੌਰ ਨੇ ਪਹਿਲਾ ਸਥਾਨ ਹਾਸਲ ਕੀਤਾ। ਪੁਰਸ਼ ਵਰਗ ’ਚ ਸ਼ਾਟਪੁਟ ’ਚ ਗੁਰਵਿੰਦਰ ਸਿੰਘ ਨੇ ਪਹਿਲਾ ਤੇ ਡਿਸਕਸ ਥ੍ਰੋਅ ’ਚ ਬਲਵਿੰਦਰ ਸਿੰਘ ਨੇ ਪਹਿਲਾ ਸਥਾਨ ਹਾਸਲ ਕੀਤਾ। ਇਸ ਦੌਰਾਨ 40 ਤੋਂ 50 ਉਮਰ ਵਰਗ ’ਚ ਸ਼ਾਟਪੁਟ ’ਚ ਕੋਚ ਗੁਰਵਿੰਦਰ ਕੌਰ ਨੇ ਪਹਿਲਾ ਸਥਾਨ ਹਾਸਲ ਕੀਤਾ। ਗੱਤਕੇ ’ਚ ਅੰਡਰ 21 ਸਾਲ ਉਮਰ ਵਰਗ ’ਚ ਸਿੰਗਲ ਸੋਟੀ ਮੁਕਾਬਲੇ ਵਿਚ ਲੱਕੀ ਸਿੰਘ (ਮੀਰੀ ਪੀਰੀ ਗੱਤਕਾ ਅਖਾੜਾ ਹੰਡਿਆਇਆ) ਨੇ ਪਹਿਲਾ ਤੇ ਫ੍ਰੀ ਸੋਟੀ ਵਿਅਕਤੀਗਤ ਮੁਕਾਬਲੇ ’ਚ ਹੰਡਿਆਇਆ ਦੇ ਗਗਨਦੀਪ ਸਿੰਘ ਨੇ ਪਹਿਲਾ ਸਥਾਨ ਹਾਸਲ ਕੀਤਾ।
