ਬਰਨਾਲਾ, 23 ਸਤੰਬਰ (ਮੰਗਲ ਸਿੰਘ ) :
ਪੰਜਾਬ ਸਰਕਾਰ ਵੱਲੋਂ ਕਰਵਾਈਆ ਜਾ ਰਹੀਆਂ ਖੇਡਾਂ ਵਤਨ ਪੰਜਾਬ ਦੀਆਂ ਵਿੱਚ ਆਪਣੇ ਜੌਹਰ ਦਿਖਾਉਂਦੇ ਹੋਏ ਪਿਡ ਠੀਕਰੀਵਾਲਾ ਦੇ ਨੌਜਵਾਨਾਂ ਨੇ 2 ਸੋਨੇ , 3 ਚਾਂਦੀ ਅਤੇ 5 ਕਾਂਸੀ ਦੇ ਮੈਡਲਾਂ ’ਤੇ ਕਬਜਾ ਕੀਤਾ। ਕਿੱਕ ਬਾਕਸਿੰਗ ਦੀ ਖੇਡ ਵਿੱਚ ਨੈਸ਼ਨਲ ਪੱਧਰ ’ਤੇ ਨਾਮਣਾ ਖੱਟਣ ਵਾਲੇ ਪਿੰਡ ਠੀਕਰੀਵਾਲਾ ਦੇ ਜੰਪਲ ਖਿਡਾਰੀ ਜਗਜੀਤ ਸਿੰਘ ਬਿੱਲਾ ਨੇ ਖੇਡਾਂ ਵਤਲ ਪੰਜਾਬ ਦੀਆਂ ’ਚ ਜ਼ਿਲਾ ਪੱਧਰ ’ਤੇ ਸੋਨੇ ਦਾ ਮੈਡਲ ਜਿੱਤਿਆ ਅਤੇ ਹਰਪਿੰਦਰ ਸਿੰਘ ਨੇ ਵੀ ਸੋਨੇ ਦੇ ਮੈਡਲ ਜਿੱਤਿਆ। ਇਹਨਾਂ ਤੋਂ ਇਲਾਵਾ ਜਸਨਪ੍ਰੀਤ ਸਿੰਘ, ਲਖਵੀਰ ਸਿੰਘ, ਸਵਰਨਜੀਤ ਸਿੰਘ ਨੇ ਚਾਂਦੀ ਅਤੇ ਦਵਿੰਦਰਪ੍ਰੀਤ ਸਿੰਘ, ਤਲਵਿੰਦਰ ਸਿੰਘ, ਪ੍ਰਦੀਪ ਸਿੰਘ ,ਹਰਮਨਦੀਪ ਸਿੰਘ ਤੇ ਰਾਜਪਾਲ ਸਿੰਘ ਨੇ ਕਾਂਸੀ ਦੇ ਮੈਡਲ ਜਿੱਤ ਕੇ ਪਿੰਡ ਦਾ ਨਾਮ ਰੌਸ਼ਨ ਕੀਤਾ। ਪਿੰਡ ਦੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਅਤੇ ਆਮ ਆਦਮੀ ਪਾਰਟੀ ਵੱਲੋਂ ਇਹਨਾ ਨੌਜਵਾਨਾਂ ਦੀ ਸ਼ਾਨਦਾਰ ਪ੍ਰਾਪਤੀ ’ਤੇ ਵਿਸ਼ੇਸ਼ ਤੌਰ ’ਤੇ ਸਨਮਾਨ ਕੀਤਾ। ਇਸ ਮੌਕੇ ਗੁਰਦੁਆਰਾ ਕਮੇਟੀ ਦੇ ਪ੍ਰਧਾਨ ਜਗਸੀਰ ਸਿੰਘ ਔਲਖ, ਖਜਾਨਚੀ ਪਰਮਜੀਤ ਸਿੰਘ , ਕਮੇਟੀ ਮੈਂਬਰ ਚਮਕੌਰ ਸਿੰਘ, ਕਮੇਟੀ ਮੈਂਬਰ ਨਿਰਪਾਲ ਸਿੰਘ, ਕਮੇਟੀ ਮੈਂਬਰ ਕਰਨੈਲ ਸਿੰਘ, ਪਿੰਡ ਇਕਾਈ ਦੇ ਆਮ ਆਦਮੀ ਪਾਰਟੀ ਦੇ ਮੱੱਖ ਸਲਾਹਕਾਰ ਡਾ ਦਰਸ਼ਨ ਸਿੰਘ ,ਪਿੰਡ ਇਕਾਈ ਦੇ ਆਮ ਆਦਮੀ ਪਾਰਟੀ ਜਗਰੂਪ ਸਿੰਘ ਕਾਕਾ ਪ੍ਰਧਾਨ ,ਪਿੰਡ ਇਕਾਈ ਦੇ ਆਮ ਆਦਮੀ ਪਾਰਟੀ ਜਨਰਲ ਸਕੱਤਰ ਮਾ. ਚਰਨਜੀਤ ਸਿੰਘ, ਅਵਤਾਰ ਸਿੰਘ ਆਦਿ ਹਾਜ਼ਰ ਸਨ।
