-95 ਐਮਐਮ ਦੀ ਤਾਰ ਬਦਲ ਕੇ 150 ਐਮਐਮ ਦੀ ਨਵੀਂ ਤਾਰ ਪਾਈ
ਬਰਨਾਲਾ, 23 ਸਤੰਬਰ (ਨਿਰਮਲ ਸਿੰਘ ਪੰਡੋਰੀ) :
ਸਥਾਨਕ ਕੱਚਾ ਕਾਲਜ ਰੋਡ ’ਤੇ ਵਾਰਡ ਨੰਬਰ 8 ਵਿੱਚ ਗਲੀ ਨੰਬਰ 6 ਦੇ ਵਸਨੀਕਾਂ ਦੀ ਬਿਜਲੀ ਦੀਆਂ ਪੁਰਾਣੀਆਂ ਘੱਟ ਵੋਲਟੇਜ ਤਾਰਾਂ ਕਾਰਨ ਆ ਰਹੀ ਪ੍ਰੇਸ਼ਾਨੀ ਦਾ ਹੱਨ ਹੋਣ ਤੇ ਵਾਰਡ ਵਾਸੀਆਂ ਨੇ ਲੱਡੂ ਵੰਡੇ। ਗੱਲਬਾਤ ਕਰਦੇ ਹੋਏ ਵਾਰਡ ਨਿਵਾਸੀਆਂ ਸ੍ਰੀ ਫੂਲ ਚੰਦ, ਰਵਿੰਦਰ ਰਵੀ, ਪ੍ਰੇਮ ਵਜੀਦਕੇ ਵਾਲੇ, ਸੁਨੀਤਾ ਰਾਣੀ, ਰਾਹੁਲ ਗੁਪਤਾ ਨੇ ਦੱਸਿਆ ਕਿ ਬਿਜਲੀ ਦਾ ਲੋਡ ਜ਼ਿਆਦਾ ਹੋਣ ਕਾਰਨ ਪਿਛਲੇ ਲੰਬੇ ਸਮੇਂ ਤੋਂ ਪਈ 95 ਐਮਐਮ ਦੀ ਕੇਬਲ ਪੁਰਾਣੀ ਹੋਣ ਕਾਰਨ ਕਈ ਮਹੀਨਿਆਂ ਤੋਂ ਤਾਰਾਂ ਮੱਚ ਜਾਂਦੀਆਂ ਸਨ ਤੇ ਬਿਜਲੀ ਸਪਲਾਈ ਅਕਸਰ ਬੰਦ ਹੋ ਜਾਂਦੀ ਸੀ। ਉਨ੍ਹਾਂ ਦੱਸਿਆ ਕਿ ਵਾਰਡ ਦੀ ਇਸ ਸਮੱਸਿਆ ਸੰਬੰਧੀ ਐਮ ਸੀ ਨਰਿੰਦਰ ਗਰਗ ਨੀਟਾ ਮੀਤ ਪ੍ਰਧਾਨ ਨਗਰ ਕੌਂਸਲ ਨੇ ਹਿੰਮਤ ਕਰਕੇ ਵਿਭਾਗ ਦੇ ਉਚ ਅਧਿਕਾਰੀਆਂ ਨਾਲ ਤਾਲਮੇਲ ਕਰਕੇ 4 ਕੋਰ ਦੀ 150 ਐਮਐਮ ਮੋਟੀ ਕੇਬਲ ਤਾਰ ਪਵਾ ਕੇ ਇਸ ਸਮੱਸਿਆ ਦਾ ਪੱਕੇ ਤੌਰ ’ਤੇ ਹੱਲ ਕੀਤਾ। ਇਸ ਮੌਕੇ ਵਾਰਡ ਵਾਸੀਆ ਨੇ ਬਿਜਲੀ ਬੋਰਡ ਸਭ ਡਵੀਜ਼ਨ ਬਰਨਾਲਾ ਸਿਟੀ ਦੇ ਜੇ.ਈ ਇੰਜਨੀਅਰ ਗੁਰਮੀਤ ਸਿੰਘ ਦਾਨਗੜ ਸਮੇਤ ਸਮੁੱਚੇ ਸਟਾਫ ਦਾ ਖੁਸ਼ੀ ਵਜੋ ਲੱਡੂਆਂ ਨਾਲ ਮੂੰਹ ਮਿੱਠਾ ਕਰਵਾਇਆ। ਇਹ ਕੇਬਲ ਪੈਣ ਦੇ ਨਾਲ ਆਲੇ ਦੁਆਲੇ ਦੇ ਤਕਰੀਬਨ 700 ਘਰਾਂ ਨੂੰ ਫਾਇਦਾ ਮਿਲੇਗਾ। ਇਸ ਮੌਕੇ ਨਰਿੰਦਰ ਗਰਗ ਨੀਟਾ ਨੇ ਕਿਹਾ ਕਿ ਵਾਰਡ ਉਨਾਂ ਦਾ ਆਪਣਾ ਪਰਿਵਾਰ ਹੈ ਜਦੋਂ ਇਹ ਮਾਮਲਾ ਵਾਰਡ ਨਿਵਾਸੀਆਂ ਨੇ ਉਨ੍ਹਾਂ ਦੇ ਧਿਆਨ ’ਚ ਲਿਆਂਦਾ ਤਾਂ ਕਿਸੇ ਵੱਡੀ ਦੁਰਘਟਨਾ ਜਾਂ ਜਾਨੀ-ਮਾਲੀ ਨੁਕਸਾਨ ਨੂੰ ਦੇਖਦਿਆਂ ਤੁਰੰਤ ਮਸਲਾ ਹੱਲ ਕਰਵਾਇਆ। ਜ਼ਿਕਰਯੋਗ ਹੈ ਕਿ ਸਾਲ 2006 ਵਿੱਚ 11000 ਵੋਲਟੇਜ ਦੀਆਂ ਤਾਰਾਂ ਨੂੰ ਸਾਬਕਾ ਵਿਧਾਇਕ ਕੇਵਲ ਸਿੰਘ ਢਿੱਲੋਂ ਵਲੋਂ ਕਢਵਾਇਆ ਗਿਆ ਸੀ ਤੇ ਸੀਵਰੇਜ ਦੀ ਨਿਕਾਸੀ ਤੇ ਸਾਫ ਪੀਣ ਵਾਲੇ ਪਾਣੀ ਦੀਆਂ ਪਾਈਪਾਂ ਵੀ ਪੁਆਈਆਂ ਸਨ ਅਤੇ ਰਘੁਵੀਰ ਪ੍ਰਕਾਸ਼ ਗਰਗ (ਤੱਤਕਾਲੀਨ ਐਮਸੀ) ਵਲੋਂ 2013-14 ’ਚ ਵੀ 95 ਐਮਐਮ ਦੀ ਕੇਬਲ ਤੇ 100 ਕੇਵੀ ਦਾ ਟਰਾਂਸਫਾਰਮ ਰਖਵਾਇਆ ਗਿਆ ਸੀ ।
