ਮਹਿਲ ਕਲਾਂ 6 ਅਪ੍ਰੈਲ ( ਜਸਵੰਤ ਸਿੰਘ ਲਾਲੀ ) ਪਾਵਰਕਾਮ ਸਬ-ਡਵੀਜ਼ਨ ਮਹਿਲਕਲਾਂ ਵਿਖੇ ਪਿਛਲੇ ਲੰਮੇ ਸਮੇਂ ਤੋਂ ਜੇਈ ਵਜੋਂ ਸੇਵਾਵਾਂ ਨਿਭਾਉਂਦੇ ਆ ਰਹੇ ਜੇਈ ਜਗਰਾਜ ਸਿੰਘ ਚੰਨਣਵਾਲ ਦੇ ਸੇਵਾ ਮੁਕਤ ਹੋਣ ਤੇ ਅੱਜ ਸਮੂਹ ਸਟਾਫ ਵੱਲੋਂ ਉਨ੍ਹਾਂ ਨੂੰ ਵਿਦਾਇਗੀ ਪਾਰਟੀ ਦਿੱਤੀ ਗਈ । ਇਸ ਮੌਕੇ ਵੱਖ ਵੱਖ ਜਥੇਬੰਦੀਆਂ ਦੇ ਸਮੂਹ ਸਟਾਫ ਵੱਲੋਂ ਸੇਵਾ ਮੁਕਤ ਹੋਏ ਜੇਈ ਜਗਰਾਜ ਸਿੰਘ ਚੰਨਣਵਾਲ ਨੂੰ ਵੱਖ-ਵੱਖ ਸਨਮਾਨ ਚਿੰਨ੍ਹ ਭੇਟ ਕਰਕੇ ਉਨ੍ਹਾਂ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਜੇਈ ਸੁਖਵਿੰਦਰ ਸਿੰਘ ਸੰਘੇੜਾ ਨੇ ਸੇਵਾ ਮੁਕਤ ਹੋਏ ਜੇਈ ਜਗਰਾਜ ਸਿੰਘ ਚੰਨਣਵਾਲ ਦਾ ਸਨਮਾਨ ਪੱਤਰ ਪੜ੍ਹਦੇ ਹੋਏ ਕਿਹਾ ਕਿ ਉਨ੍ਹਾਂ ਵੱਲੋਂ ਆਪਣੀ ਡਿਊਟੀ ਦੀਆਂ ਸੇਵਾਵਾਂ ਨੂੰ ਪੂਰੀ ਇਮਾਨਦਾਰੀ ਅਤੇ ਤਨਦੇਹੀ ਨਾਲ ਨਿਭਾਇਆ ਗਿਆ । ਇਸ ਮੌਕੇ ਆਈ ਟੀ ਆਈ ਸਕਲ ਸਕੱਤਰ ਜੇਈ ਗੁਰਲਾਭ ਸਿੰਘ ਸੂਬਾ ਸਕੱਤਰ ਜਰਨੈਲ ਸਿੰਘ ਏਟਕ ਦੇ ਆਗੂ ਦਵਿੰਦਰ ਸਿੰਘ ਸੇਵਾ ਮੁਕਤ ਜੇਈ ਬਲਜੀਤ ਸਿੰਘ ਛੀਨੀਵਾਲ ਕਲਾਂ ਟੀਐੱਸਯੂ ਦੇ ਆਗੂ ਪਰਗਟ ਸਿੰਘ ਅਤੇ ਪਾਵਰਕਾਮ ਸਬ-ਡਵੀਜ਼ਨ ਮਹਿਲਕਲਾਂ ਦੇ ਐਸਡੀਓ ਜਸਵਿੰਦਰ ਸਿੰਘ ਨੇ ਸੇਵਾ ਮੁਕਤ ਹੋਏ ਜੇਈ ਜਗਰਾਜ ਸਿੰਘ ਚੰਨਣਵਾਲ ਦੇ ਪਾਵਰਕਾਮ ਵਿੱਚ ਨਿਭਾਈਆਂ ਸੇਵਾਵਾਂ ਦੀ ਸ਼ਲਾਘਾ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੇ 1997 ਵਿੱਚ ਭਰਤੀ ਹੋ ਕੇ ਆਪਣੀਆਂ ਸੇਵਾਵਾਂ ਨੂੰ ਪੂਰੀ ਤਨਦੇਹੀ ਤੇ ਲਗਨ ਨਾਲ ਨਿਭਾਇਆ। ਇਸ ਮੌਕੇ ਸੇਵਾ ਮੁਕਤ ਹੋਏ ਜੇਈ ਜਗਰਾਜ ਸਿੰਘ ਚੰਨਣਵਾਲ ਨੇ ਸਮੂਹ ਸਟਾਫ ਵੱਖ ਵੱਖ ਜਥੇਬੰਦੀਆਂ ਦਾ ਧੰਨਵਾਦ ਕਰਦਿਆਂ ਕਿਹਾ ਜੋ ਮਾਨ-ਸਨਮਾਨ ਤੁਸੀਂ ਮੈਨੂੰ ਦਿੱਤਾ ਹੈ ਉਸ ਦਾ ਮੈ ਸਦਾ ਲਈ ਰਿਣੀ ਰਹਾਂਗਾ ਇਸ ਮੌਕੇ ਜੇਈ ਬਲਰਾਜ ਸਿੰਘ ਮਹਿਲ ਖੁਰਦ ਜੇਈ ਗੁਰਮੇਲ ਸਿੰਘ ਚੰਨਣਵਾਲ ਸੁਖਵਿੰਦਰ ਸਿੰਘ ਅਵਤਾਰ ਸਿੰਘ ਛੀਨੀਵਾਲ ਕਲਾਂ ਜਗਦੀਪ ਸਿੰਘ ਸੁਖਬੀਰ ਸਿੰਘ ਜਗਸੀਰ ਸਿੰਘ ਜਸਵਿੰਦਰ ਸਿੰਘ ਨਿਰਮਲ ਸਿੰਘ ਅਤੇ ਸਮੂਹ ਸਟਾਫ ਦੇ ਕਰਮਚਾਰੀ ਹਾਜਰ ਸਨ ।
Menu
